• Әхбаратлар еқими
• 25 Қараша, 2021

Қазақстанда Pfizer вакцинисини қоллиниш даириси кәңәйтилиши мүмкин

Қазақстан һөкүмити Pfizer/BioNTech компанияси ишләп чиқарған вакцинини салидиған шәхсләрниң тизимини кәңәйтиши мүмкин. 
Һазир елимиздә бу вакцинини өсмүрләргә, һамилдар аялларға вә бала емитиватқан аялларға селиш рухсәт қилинған. Әнди бу тизимға башқа категориядики шәхсләрму кириши еһтимал. 
 «Һазир биз бу вакцинини башқа категориядики шәхсләргә селиш имканийитини муһакимә қиливатимиз», – деди Премьер-министр Асқар Мамин аммивий әхбарат васитилири билән өткән учришишта.
 Мәзкүр мәсилә бойичә қарар мошу һәптиниң ахириғичә қобул қилиниши керәк.
 Мәлумки, Pfizer/BioNTech компанияси ишләп чиқарған вакцина Қазақстанға 10-ноябрь күни кәлтүрүлди. Һазир у регионларға йәткүзүлүп, вакцина селиш җәрияни башланди.