• Әхбаратлар еқими
  • 25 Қараша, 2021

Astana Clubниң VI мәҗлиси

Елбасы Нурсултан Назарбаев Astana Clubниң VI мәҗлисигә қатнашти.
Astana Club Хәлиқара экспертлиқ диалог мәйданиниң новәттики мәҗлиси Қазақстан пайтәхтидә үч күн мабайнида өтти. Форумниң умумий мавзуси – “Йеңи дунияни тәсәввур қилиш: пандемиядин кейин” – аләмшумул, хәлиқара вә регионлуқ әһмийәткә егә әң кәскин мәсилиләрни өз ичигә алди. 
Абройлуқ сәясәтчиләр, дөләт әрбаплири, аналитиклар, экспертлар таҗсиман вирусниң тәсирини, хәлиқара мунасивәтләрниң бузулушини, бехәтәрликкә туғулуватқан ховупларни, климатниң өзгириш проблемилирини, “Чоң энергетикилиқ көчүшниң” истиқбали вә ақивәтлирини, ихтисат вә технология мәсилилирини муһакимә қилди.
Үчинчи – ахирқи күни – умумий сессия өткүзүлүп, униңға Тунҗа Президент – Елбасы Нурсултан Назарбаев қатнашти. Бу күни шундақла йепиқ тәртиптә Лидерларниң ядро бехәтәрлиги үчүн аләмшумул альянсиниң мәҗлиси өткүзүлди. Шундақла Қазақстан мустәқиллигиниң 30 жиллиғиға беғишланған муназирә уюштурулди.
Нурсултан Назарбаев өз сөзидә әһвални қандақ тәсәввур қилидиғанлиғи билән ортақлишипла қоймай, бәлки Чоң Евразия кәңлигидә вә дунияда диалогни, ишәнчә һәм һәмкарлиқни күчәйтишкә қаритилған ениқ тәклипләр билән конструктив идеяләрни оттуриға қойди. 
Тунҗа Президент шундақла мәмликитимизниң мустәқил жиллирида қолға кәлтүргән асасий утуқлириға тохтилип өтти. Елбасыниң тәкитлишичә, мәмликәт нәрқ ихтисади йолиға ишәшлик чүшүп, қурулумлуқ ислаһатлар, хәлиқара сода вә инвестицияләр үчүн очуқ болуш нуқтәий нәзәридин МДҺ кәңлигидә йетәкчи әлгә айланди. Бу жилларда җумһурийәтниң ички умумий мәһсулати 16 һәссә көпәйди, аһалиниң паравәнлиги һәссиләп өсти. 
Умумән, Astana Clubниң умумий мәҗлисигә нурғунлиған спикерлар қатнашти. Ахирқи сессиядә Аләмшумул йешил өсүш институтиниң президенти, БДТниң 8-Баш кативи Пан Ги Мунниң видеомураҗиити көрситилди. Чарә-тәдбиргә қатнишиш үчүн Нур-Султанға кәлгән сабиқ Түркия президенти Абдулла Гүл, Мадрид клубиниң башлиғи, сабиқ Словения президенти Данило Тюрк сөзгә чиқти. 
Онлайн-тәртиптә өткүзүлгән муназириләргә Нобель мукапитиниң лауреати, Хәлиқара атом энергетикиси агентлиғиниң сабиқ баш мудири Муһәммәд Әл-Барадеи, Авғанстанниң сабиқ президенти Хамид Карзай һәм Вакцинилар вә иммунизация бойичә аләмшумул альянсниң (GAVI) рәиси, Европа комиссиясиниң сабиқ рәиси Джозе Мануэл Баррозу қошулди. 
2021-жил Қазақстан үчүн юбилейлиқ жил болғанлиқтин, бу мавзу Astana Clubниң VI мәҗлисидә өз әксини тапти. Униң даирисидә “Мустәқилликтә өткән 30 жил: Назарбаев стратегияси вә Қазақстан һәм Мәркизий Азияниң келәчиги” мавзусида муназирә өткүзүлди. 
Муназириләрдә Британия – Қазақстан җәмийитиниң рәиси Руперт Гудман, Россия Индустрияниң кейинки җәмийәт тәтқиқатлири мәркизиниң мудири Владислав Иноземцев, Атлантика кеңишиниң чоң илмий хадими Ариэль Коэн вә башқилар сөзгә чиқти. 
Умумән, Astana Clubниң VI мәҗлиси даирисидә үч күн давамлашқан үнүмлүк, сүпәтлик вә актуал муназириләр Тунҗа Президент тәшәббуси билән қурулған диалог мәйданиниң дуниявий дәриҗидики абройлуқ сәясәтчиләр, дипломатлар вә экспертларни бирләштүргән платформа сүпитидә хәлиқара мәйданда өзиниң надир орнини ишәшлик егилигәнлигини йәнә бир қетим тәстиқлиди. 
***

Тунҗа Президент – Елбасы Нурсултан Назарбаев шундақла Astana Clubниң VI мәҗлисигә қатнашқучилар –Түркия Җумһурийитиниң сабиқ президенти Абдулла Гүл, Словенияниң сабиқ президенти, Мадрид клубиниң президенти Данило Тюрк, “Демократик һәрикәт – бирпүтүн Грузия” партиясиниң рәиси Нино Бурджанадзе, Британия – Қазақстан җәмийитиниң рәиси Руперт Гудман билән учришип сөһбәтләшти.
 

193 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы