• Асасий мақалилар
  • 25 Қараша, 2021

Партия Сәясий кеңишиниң кәңәйтилгән мәҗлиси

Қазақстан Җумһурийитиниң Тунҗа Президенти Нурсултан Назарбаев Nur Otan партияси Сәясий кеңишиниң кәңәйтилгән мәҗлисини өткүзди.
Мәҗлистә Елбасы Нурсултан Назарбаев Nur Otan партиясиниң Рәиси вакалитини Президент Қасым-Жомарт Тоқаевқа тапшуруш тоғрилиқ қарар қобул қилғанлиғини билдүрди. Низамнамигә мувапиқ партия Рәисини лавазимидин бошитиш вә йеңи Рәисни сайлаш партия Қурултийиниң алаһидә һоқуқ даирисигә ятиду. Униңғичә Нурсултан Назарбаев партияниң Рәиси лавазимини атқуриду.
Елбасы мәҗлисни ечип, мәмликәтниң Мустәқилликтә өткән 30 жилдики утуқлирини тәкитләп өтти, барлиқ утуқ-муваппәқийәтләрниң бирлишип елип берилгән ишниң, муһим дөләт қарарлириниң вә җүръәтлик ислаһатларниң нәтиҗиси екәнлигини атап көрсәтти.
– Изчил сәясий ислаһатлар түпәйли һазир мәмликитимиздә әң жуқури демократик үлгиләргә җавап беридиған нәтиҗидарлиқ көппартиявийлик система ишләватиду. Бийил тарихимизда дәсләпки қетим қанун чиқириш вә вакаләтлик органларға сайлам пропорционал система бойичә өтти. Шундақла йеза округлири һакимлириниң уттур сайлими җарий қилинди. Мошу барлиқ чариләр партиядә риқабәтчиликни күчәйтиду, шундақла барлиқ партияләрниң җавапкәрлигини һәм һесават беришини ашуриду, – деди Нурсултан Назарбаев.
Партия Сәясий кеңишиниң кәңәйтилгән мәҗлисидә Нурсултан Назарбаев дөләт алдида туруватқан синақ-ховуплар, шундақла партияниң алдики вақитқа бәлгүләнгән стратегиялик мәхсәтлири тоғрилиқ тәпсилий сөзләп бәрди.
 – Қазақстан өз мустәқиллигиниң төртинчи он жиллиғиға қәдәм ташлаватиду. Бу чоң өзгиришләр, мурәккәп вә тәғдиранә қарарлар вақти. Һазирқи вақитта биз таҗсиман вирус пандемиясини жүгәнләшниң мүмкин болмайватқанлиғини байқаватимиз. Қануний өзгиришләр, шу җүмлидин әхбарат технологиялириниң вә «йешил» энергетикиниң сүръәтлик җарий қилиниши сәвәвидин өзгиришләр йүз бериватиду, – деди Елбасы.
Тунҗа Президент инсанийәт дуч келиши мүмкин болған җиддий синақ-ховупларни атап өтти. Мәсилән, йеңи пандемияләргә қарши күришиш, экологиялик проблемиларниң вә аләмшумул иссишниң сәлбий ақивәтлириниң күчийиши, аләмшумул ихтисатниң өзгиришигә бағлиқ мәмликәтләрниң риқабәткә тақабилллиғиниң төвәнлиши, күчийиватқан геосәясий кәскинлик, җәмийәтлик кәйпият вә қәдрийәтләрниң радикаллиши ақивитидә сәясий бөлүнүшниң күчийиши шу җүмлидин.
– Аләмшумул турақсизлиқ хелә жилларға созулиду. Шуңлашқа партияниң кейинки Парламент сайлимида оттуриға қойған «Синақлардин биллә өтүп, ғалибийәт қазинимиз», шиари өзиниң актуаллиғини сақлап қеливатиду. Йәнә бир қетим тәкитлигүм келидуки, биз аһалиниң әң кәң қатламлириниң мәнпийәтлиригә тайинидиған центристлар мәвқәсидә болушимиз керәк. Адәмләрни бөлүш әмәс, бәлки бирләштүрүш – партияниң вәзиписи әйнә шундақ, – деди Нурсултан Назарбаев.
 Елбасы партия фракцияси депутатлириниң пандемия вақтида нәтиҗидарлиқ иш елип барғанлиғини қәйт қилип, қазақстанлиқларни Президент йоли әтрапиға техиму җипсилаштурушниң муһим екәнлигини тәкитлиди.
– Мән партияниң асасини қурдум, мошу барлиқ жилларда униңға рәһбәрлик қилдим, шуңлашқа Nur Otan партиясигә сәясәт вә стратегияни бәлгүләйдиған мәмликәт Президентиниң рәһбәрлик қилиши муһимдур. Биздә шундақ болған. Биз буни партия низамнамисигә таянған һалда һәл қилишимиз керәк. Бу бирлигимизни намайиш қилиш үчүн бесип өтүшимиз керәк болған муһим қәдәм, – деди Қазақстанниң Тунҗа Президенти.
 Нурсултан Назарбаев партиягә дөләт йолиниң варислиғи вә турақлиқлиғиниң һули болидиған өзиниң узақ муддәтлик лидерлиғини тәминлишиниң муһим екәнлигини тәкитлиди.Буниң үчүн Nur Otan партияси, Елбасы ейтқандәк, турақлиқ йеңилиниши, заманивий вә һәрикәтчан болуши, өзгиришләр еқимида қелиши, хәлиқ мәнпийәтлиригә әмәл қилиши, ениқ мәхсәтләрни вә уларға йетишниң реал йоллирини оттуриға қойиши, һәм һакимийәт органлириниң, һәм җәмийәтлик институтларниң нәтиҗидарлиқ өзара һәрикитини тәминлиши, җәмийәтни партия қәдрийәтлири әтрапиға җипсилаштуруши шәрт.
 – Биз Мустәқиллигимизниң 30 жиллиғини чоң утуқларни қолға кәлтүрүп қарши еливатимиз. Биз күчлүк вә утуқлуқ дөләтни қурдуқ, бирпүтүн вә җипсилашқан җәмийәт шәкилләнди. Мустәқиллик жиллирида Қазақстанда 9,5 миллиондин ошуқ бала туғулди. Бу мәдәнийәтлик, мәхсәткә интилған, жуқури билимлик вә илғар пикирлик йеңи әвлат. Мошу әвлатниң тарихий вәзиписи дөләтчилигимизни сақлап қелиштин вә «Мәңгілік ел» умуммиллий идеясини әмәлгә ашуруштин ибарәт дәп һесаплаймән, – деди Қазақстанниң Тунҗа Президенти.
 Елбасы шундақла қазақстанлиқлар үчүн йеңи дәвирдә асасий нишан болидиған «Дөләтчиликниң йәттә асаси» принциплар топлими тоғрилиқ сөзләп бәрди.
 – Биз мустәқилликни мустәһкәмлигән вә мәмликәтниң пүтүнлүгини сақлиған, аилә қәдрийәтлирини сақлиған, миллий-роһий мәдәнийәтни илгириләткән, билимгә вә адил әмгәккә диққәт бөлгән һалда бәрпакар милләт болимиз, – дәп хуласилиди Нурсултан Назарбаев.
 Nur Otan партияси Сәясий кеңишиниң видеоконференцалақә тәртивидә өткән кәңәйтилгән мәҗлисигә, шундақла Дөләт рәһбири Қасым-Жомарт Тоқаев, Премьер-министр вә Һөкүмәт әзалири, Nur Otan партияси Сәясий кеңишиниң вә Бюросиниң әзалири, партияниң Парламент Мәҗлисидики вә мәслиһәтләрдики фракциялириниң депутатлири, регионлар рәһбәрлири, Jas Otan яшлар қанитиниң лидерлири қатнашти. 
Кәңәйтилгән мәҗлистә шундақла Nur Otan партияси Регионлуқ тәрәққият бойичә җәмийәтлик кеңишиниң рәиси Юлия Кучинская, Nur Otan партияси Чимкәнт шәһәрлик шөбисиниң рәиси, Чимкәнт шәһириниң һакими Мурат Айтенов, партияниң Павлодар наһийәлик шөбиси рәисиниң орунбасари, Nur Otan партиясиниң наһийәлик мәслиһәттики фракциясиниң рәһбири, Қазақстан хәлқи Ассамблеясиниң әзаси Вера Гейнц, Ғәрбий Қазақстан вилайити Бөрли йеза округиниң һакими Әзилхан Зарифов вә башқилар сөзгә чиқти.
 

210 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы