• Әхбаратлар еқими
• 01 Желтоқсан, 2021

Намзитини жуқури лавазимға көрсәтти

АҚШ президенти Джо Байден қазақстанлиқ Сәуле Омарованиң намзитини ахча муамилә контролери башқармисиниң башлиғи лавазимиға қоюш үчүн Конгресс Сенатиниң қарап чиқишиға рәсмий әвәтти.
“Сенатқа әвәтилгән намзат: Сәуле Омарова бәш жиллиқ қәрәлгә АҚШ ахча муамилә назарити башқармисиниң башлиғи лавазимиға сайлансун, орунбасари – Джозеф Оттинг”, – дейилиду Ақ сарай сайтида елан қилинған һөҗҗәттә.
Пат-йеқинқи вақитта сенатниң саһалиқ комитети Сәуле Омарованиң намзитини қарап чиқиш бойичә тиңшашни елан қилиши лазим, андин униң намзити авазға селиниду. Комитетниң тәвсийәсидин кейин Сенатта ахирқи аваз бериш өтиду. Әгәр униң намзити мақулланса, Сәуле Омарова 1863-жили асаси селинған АҚШ ахча муамилә назарити башқармисиға рәһбәрлик қилидиған дәсләпки аял болиду.
Уральскида туғулуп өскән Сәуле Омарова Корнель университети банк һоқуқиниң күчкә егә профессори. У 1989-жили Москва Дөләт университетини, 1999-жиил Висконсин университетини вә 2001-жили Ғәрбий-Шималий университетни тамамлиған. Әла баһалиқ юриспруденция доктори дәриҗисигә егә. Қазақ, рус вә инглиз тиллирини мукәммәл билиду.