• Әхбаратлар еқими
  • 01 Желтоқсан, 2021

Мәйрәмлик соғилар

Әмгәкчиқазақ наһийәсиниң Көктөбә йеза округидики 3000ға йеқин аһалиси бар Төле би йезисиниң турғунлири Тунҗа Президент күни мәйрими һарписида алаһидә мәйрәмлик соғиға егә болди. 

Рашидәм РӘҺМАНОВА,
«Уйғур авази»

Қазақстан Җумһурийити Мустәқиллигиниң 30 жиллиғиға бағлиқ йезиниң сахавәтлик турғуни Тавабир Чикаев ана жутида умумий мәйдани 325 квадрат метр икки қәвәтлик бена селип, у йәрдә тәвлүгигә 50 адәм қобул қилидиған амбулатория, почта вә участкилиқ полиция бөлүмлири орунлашти.
Униң тәнтәнилик ечилиши мәрасимиға наһийә һакими Әлибек Жақанбаев қатнишип, йеза турғунлириниң хошаллиғиға ортақлашти. У әл тәрәққиятиға есил төһпә қошқан Тавабир Хайруллаоғлиға миннәтдарлиғини билдүрди. Мошундақ бала тәрбийилигән аниси Ақиқат Чикаевани 80 яшлиқ тәвәллуди билән тәбрикләп, үстигә чапан йепип, гүлдәстә тутти.
Шундақла мәрасимға «Қазпошта» АҖ иҗраий мудири Жанбота Букенова, «Қазпошта» АҖ Алмута вилайити бойичә мудири Мухит Қарибаев қатнишип, изгү ишниң уюштурғучиси болған наһийә һакими Ә.Жақанбаевқа, сахавәтлик инсан Т.Чикаевқа рәхмәт ейтти. 
Қошумчә қилиш керәкки, бу йәрдә бурун кона почта бенаси бар еди. Бари-йоқи үч айниң ичидә униң орнида заманивий типтики бена қәд көтәрди. 

Әмгәкчиқазақ наһийәси.


 

342 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы