- Әхбаратлар еқими
- 01 Желтоқсан, 2021
Чай вә боғусақ билән меһман қилди
Нур-Султан шәһиридә жил бешидин тартип мәмликәт Мустәқиллигиниң 30 жиллиғиға беғишланған «Изгү ишлар марафони» өткүзүлүп кәлмәктә.
Йеқинда мәзкүр акция даирисидә «Астана жастары» коммунал дөләт мәһкимисиниң пидаийлири шәһәр кочилирида вә тохталмиларда кишиләрни чай һәм боғусақлар билән меһман қилди.
Пидаийлар шәһәрликләрни, йәрлик сетиқчилар билән коммунал хизмитиниң ишчи-хадимлирини адәм әң көп болидиған җайларда – «Шапағат» коммунал базириниң, «Тулпар» вә «Астаналық базар» сода өйлириниң йенида меһман қилди.
Нур-Султанда бу хилдики чарә-тәдбирләр мунтәзим рәвиштә өткүзүлүп келиватиду.
– Қиш вақтида мундақ чарә-тәдбирләрни кам дегәндә һәптисигә бир қетим өткүзүшни планлаватимиз. Һава райи шараитини һесапқа алсақ, мундақ акция турғунларниң кәйпиятини көтиришкә ярдәм қилиду. Униңдин ташқири бизниң пидаийлар ярдәмгә муһтаҗларниң өйлирини қардин тазилаватиду. Биздә мундақ чарә-тәдбирләр турақлиқ уюштурулиду, – дәйду «Астана жастары» коммунал дөләт мәһкимисиниң яшлар билән ишләш бөлүминиң башлиғи Әлфараби Аймақ.
Мәзкүр акция шәһәрлик яшлар сәясити мәсилилири бойичә башқармисиниң қоллап-қувәтлиши билән өтти.
162 рет
көрсетілді0
пікір