• Әхбаратлар еқими
• 01 Желтоқсан, 2021

Һәрбий сәптин мутәхәссислик елип келиду

Мудапиә министрлиги һәрбий борчини өтәватқан һәрбийләр үчүн һазир әмгәк базирида еһтияҗи жуқури болған мутәхәссиликләрни дайим мониторинг қилип туриду. Бу ишниң нәтиҗилири бойичә ишчи мутәхәссисликлирини тәйярлаш уюштурулиду.
 Һәрбий сәптә борчини өтәватқан яшлар хизмити давамида һазир еһтияҗи жуқури мутәхәссисликләргә һәқсиз оқутулиду, маһарити ашурулиду. Солдатлар һава мудапиәси күчлириниң, алақә департаментиниң, радиациялик, химиялик, биологиялик мудапиә вә экологиялик бехәтәрлик күчлириниң, пиядә әскәр күчлириниң билим бериш мәркәзлиридә тәһсил көридиған болиду. Яшлар жүк тошуш машинилириниң жүргүзгүчиси, эксковаторщик, элекрик-дизелист, алақә мутәхәссиси вә башқиму мутәхәссисликләрни егиләп чиқиду. Оқушни тамамлиғанда, уларға мәхсус гуванамиләр тапшурулиду. Шулар билән улар кейин ишқа орунлишилайду.
 Һазир пиядә әскәрләр күчлириниң билим мәркизидә жүк тошуш машинилириниң жүргүзгүчилирини тәйярлайдиған билим ротиси тәшкил қилинди. Бу йәрдә һәр жили әмгәк базирида еһтияжи жуқури 160 кәсип егисини тәйярлаш мәхсәт қилинмақта. Оқуш келәр башлиниду.
 Тәкитләш лазимки, Президент Қ.Тоқаев Қазақстан хәлқигә йоллиған новәттики Мәктүбидә «Һәқсиз кәспий вә техникилиқ билим бериш» лайиһисини әмәлгә ашурушни давамлаштурушниң һаҗәтлигини қәйт қилған. Дөләт рәһбири яшларни оқутуш вә кәсип таллашни үгитиштә һәрбий күчләрниң ролиға алаһидә тохтилип өткән еди. «Кәсип егиләшниң йәнә бир имканийити армия болуши керәк. Ихтисатта керәк ишчи мутәхәссисликләрни егиләш мәсилисини һәрбий сәптики яшларға үгитишни ойлаштурушимиз лазим» дегән еди Президент.