• Әхбаратлар еқими
• 01 Желтоқсан, 2021

Наркоманияниң алдини елиш бойичә миллий тармақ қурулиду

Қазақстан яшлар Конгресси йенидики “Наркотиксиз келәчәккә” корпоративлиқ фонди яшлар арисида наркоманияниң алдини елиш бойичә Миллий тармақни қуруш тәшәббускарлириниң бири болди.
Бүгүнки күндә наркомания проблемиси наһайити муһим болуватиду, чүнки у яшлар даирисидә кәң овҗ елип, заманивий җәмийәтниң әң миқияслиқ проблемилириниң биригә айлиниватиду.
Наркоманияниң алдини елиш чарә-тәдбирлиригә яшларниң өзлириниң қатнишиши мәзкүр һадисини җәмийәттики яшларниң халимайдиғанлиғиниң муһим көрсәткүчи болуп һесаплиниду вә у башқилар үчүн үлгә болуп хизмәт қилиду, дәп һесаплайду “Наркотиксиз – келәчәккә” корпоративлиқ фондиниң вәкиллири.
Наркоманниң һазирқи күндики портрети биз уни медиа васитилиридә көрүшкә адәтләнгәндикидин кәскин пәриқлиниду. Наркомания җәмийәтниң барлиқ қатламлирини вә һәрхил яштики адәмләрни өз ичигә алған. Биз яшлар арисида наркотикларни вә психоактивлиқ васитиләрни қобул қилишниң алдини елишниң уйғунлаштурулған һәрикитини елип беришимиз лазим. Күч-ғәйрәтни бирләштүрүш – бизгә яшлиримизниң келәчиги үчүн нәтиҗидарлиқ күришишкә имканийәт яритиду”, дәйду Фондниң иҗраий мудири Жандос Ақтаев.
Қазақстан Җумһурийитидә яшлар арисила психоактивлиқ васитиләрни истимал қилиш бойичә тәтқиқатлар вә наркотикларни истимал қилишниң алдини елиш бойичә хәлиқара стандартлар нәтиҗилири тонуштурулғандин кейин консультацияниң барлиқ қатнашқучилири тәрипидин Миллий тармақни қуруш қарар қилинди. Шундақла келәчәктә Мәркизий Азиядә регионаллиқ тармақни қуруш көздә тутулмақта.