• Асасий мақалилар
• 13 Қаңтар, 2022

Балилар жили елан қилиниду

Дөләт рәһбири Қасым-Жомарт Тоқаев Қазақстанда Балилар жилини елан қилишқа чақирди.
Президент бу тоғрилиқ өзиниң Қазақстан хәлқигә йоллиған Йеңи жиллиқ тәбригидә билдүрди.
– Балиларға алаһидә диққәт бөлүш керәк. Уларниң сағлам-хатирҗәмлиги – дөлитимизниң утуқлуқ келәчигиниң ишәшлик капалити. Шуңлашқа келәр жилни Балилар жили дәп елан қилиш керәк, дәп һесаплаймән, – дәп өз ойини изһар қилди Дөләт рәһбири. 
Қасым-Жомарт Тоқаев бу йәрдә сөз шиарлар вә мәйрәмлик чарә-тәдбирләр тоғрилиқ әмәс, бәлки, һәммидин авал, балилиқ чағни қоғдаш мәхситидә һакимийәт органлири тәрипидин саламәтликни сақлаш, билим, иҗтимаий тәминат саһалирида ениқ чариләрниң көрүлүши һәққидә болуватқанлиғини тәкитлиди. 
– Һәртәрәплимә риваҗлиниш вә өскиләң әвлатниң бәхитлик балилиқ чеғи – бизниң умуммиллий вәзипимиз, – дәп билдүрди Президент.