• Әхбаратлар еқими
  • 13 Қаңтар, 2022

Новәттин ташқири сессиягә қатнашти

Қазақстандики вәзийәткә бағлиқ мәмликәт Президентиниң тәшәббуси билән Коллективлиқ бехәтәрлик шәртнамиси тәшкилати (КБШТ) Коллективлиқ бехәтәрлик кеңишиниң новәттин ташқири сессияси болуп өтти.
Видеоконференцалақә тәртивидә өткән чарә-тәдбиргә Қасым-Жомарт Тоқаев билән бирқатарда Әрмәнстан Премьер-министри Никол Пашинян, Беларусь, Россия, Таҗикстан Президентлири Александр Лукашенко, Владимир Путин, Эмомали Рахмон, Қирғизстан Министрлар кабинетиниң Рәиси – Президент Мәмурийитиниң рәһбири Акылбек Жапаров, шундақла КБШТ Баш кативи Станислав Зась қатнашти.
 Сессиядә Қазақстан Президенти чарә-тәдбир қатнашқучилирини мәмликәттә қелиплишиватқан вәзийәт вә уни турақлаштуруш бойичә көрүлүватқан чариләр тоғрилиқ хәвәрдар қилди. Дөләт рәһбири КБШТ бойичә шерикләргә көрситиватқан ярдими үчүн миннәтдарлиқ билдүрди.
– Әмәлиятта бу КБШТниң течлиқпәрвәрлик иқтидари униңға қатнашқучи дөләтләрниң бириниң бехәтәрлигини, турақлиқлиғини вә пүтүнлүгини тәминләш үчүн һәқиқий рәвиштә җәлип қилинған биринчи әһвалдур. Биз үчүн КБШТ бойичә шерикләрниң пәқәт һәрбий әмәс, бәлки мәнивий қоллап-қувәтлиши принцип җәһәттин муһим болди. Тәшкилатқа қатнашқучи барлиқ дөләтләр Қазақстан Президентиниң мураҗиитини бирлишип қәтъий қоллап-қувәтлиди, – дәп тәкитлиди Қасым-Жомарт Тоқаев. 
Президент Тәшкилатниң пайдилиқ иҗабий тәҗрибигә егә болидиғанлиғини, «аҗиз йәрләрниң» тәһлил қилинип, тегишлик хуласиләрниң чиқирилидиғанлиғини, тәртипкә кәлтүрүш һөҗҗәтлиригә түзитишләрниң киргүзүлидиғанлиғини тәкитлиди. 
– КБШТ өзиниң тәләпкә егә екәнлигини вә абройлуқ һәрбий-сәясий тәшкилат сүпитидә нәтиҗидарлиғини көрсәтти. Бу дөләтлиримизниң турақлиқлиғини вә бехәтәрлигини тәминләшниң һәқиқий рәвиштә ишләватқан механизми, – дәп билдүрди Дөләт рәһбири.
 Сессия давамида КБШТқа қатнашқучи дөләтләрниң лидерлири Қазақстан Җумһурийитидики вәзийәт тоғрилиқ пикирләшти, мәмликитимиз рәһбәрлигиниң һәрикәтлирини қоллап-қувәтләйдиғанлиғини билдүрди, турақлиқлиқ вә конституциялик тәртипниң әслигә кәлтүрүлүшиниң муһим екәнлигини тәкитлиди. КБШТ Баш кативи Станислав Зась қобул қилинған бирләшкән қарарларни әмәлгә ашурушниң кетип бериши тоғрилиқ доклад қилди.
Дөләт рәһбәрлири КБШТ Коллективлиқ течлиқпәрвәрлик күчлириниң Қазақстандики вәзиписи аяқлашқичә турақлиқ алақида болуп турушқа келишти. 

476 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы