• Хәйрихаһлиқ
  • 27 Сәуір, 2022

Хәйрихаһлиқ – инсанийлиқ!

Мусулман әһли үчүн айларниң султани – хасийәтлик Рамзан ейида җай-җайларда хәйрихаһлиқ-соваплиқ чарә-тәдбирләр уюштурулуп, сахавәтлик инсанлар һаҗәтмәнләргә қол учини сунмақта. Улуқ ай-улуқ күнләрдә улар көпбалилиқ аилиләргә, баққучисидин айрилған мөтивәрләргә, саламәтлигиниң яр бәрмәслигидин җисманий ишлардин чәкләнгәнләргә, аилисидә нака пәрзәнтлири бар ата-аниларға маддий ярдәм қилиш, мечитларда розидарларға иптарлиқ бериш арқилиқ алийҗанаплиқ көрситиватиду. Әмгәкчиқазақ наһийәсидиму өзгиләрниң муң-муһтаҗиға бепәрва әмәс қиз-оғланлар көпләп санилиду.

Рашидәм РӘҺМАНОВА,
«Уйғур авази»

Җүмлидин йеқинда наһийә мәркизи – Ишиктә шәһиридики мечитларниң биридә тиҗарәтчи Һакимахун Җәлиловниң һамийлиғида 200дин ошуқ адәмгә иптарлиқ берилди. Көпчилик билидуки, бу мәрт жигит вә униң рәпиқиси Камиләм алдиға ярдәм сорап кәлгәнләрни һечқачан қуруқ қол қайтурған әмәс. Һәрдайим хәлиқ мәнпийитини ойлайдиған улар һәр жили Рамзан ейида өзлири туғулуп-өскән Раһат йезиси вә Ишиктә шәһиридә хәйрихаһлиқ акциялирини уюштуруп, муһтаҗ аилиләргә озуқ-түлүк мәһсулатлирини тарқитип беришни әнъәнигә айландурди. 
Чарә-тәдбир давамида Әмгәкчиқазақ наһийәлик Уйғур этномәдәнийәт мәркизиниң рәиси Сулайман Мәхсүтов, Регионаллиқ мәшрәпниң беги Долқун Разиев, Ишиктә шәһириниң жигитбеши Шавкәт Рустәмов, униң орунбасарлири Тайирҗан Мәсимов, Әхмәтҗан Сарибаев, Ақсақаллар кеңишиниң рәиси Мәһәмәтҗан Султанияров вә башқилар сөзгә чиқип, роза тутқан мусулман әһлигә нийәтлириниң қобул болушини, алийҗанаплиқ көрсәткән Һакимахун Җәлиловқа миннәтдарлиқ вә униң аилисигә яхшилиқ тилиди.
Наһийәниң Челәк тәвәсидиму Әмгәкчиқазақ наһийәлик Уйғур этномәдәнийәт мәркизи рәисиниң орунбасари Нурҗамал Һасанова, Челәк региониниң баш жигитбеши Һебибуллам Абдуллаев вә регионлуқ Ханим-қизлар кеңишиниң рәиси Гөһәрбүви Идрисованиң рәһбәрлигидә қизғин ишлар елип бериливатиду. Ушбу акциядә мәркәзниң әзалири Турғанҗан Абитов, Иврайимҗан Шакиров, Мунардин Һосманов, ханим-қизлар вә яшлар кеңәшлириниң рәислири паалийәтчанлиқ көрсәтмәктә.
Шундақла наһийәлик Уйғур этномәдәнийәт мәркизи Қизил Шәриқ йезиси шөбисиниң рәиси Тиллабүви Тохтахунова, жигитбеши Нурәхмәт Абдуллаев вә ханим-қизлар кеңишиниң рәиси Аминәм Қасимованиң уюштуруши билән жуттики роза тутуп, оқуған намазлирида Алла тааладин жутниң аманчилиғини, хатирҗәмлигини, милләтләрара достлуқни, бирлик вә өмлүкни тилигән 300гә йеқин розидарға иптарлиқ берип, көпчиликниң дуасини алди. Әлвәттә, мундақ изгү чарә-тәдбирләр барлиқ йезиларда өтүватиду. 
Қошумчә қилиш лазимки, сахавәтлик ишлири билән тонулған ҖУЭМ йенидики Жигитбашлири кеңишиниң рәиси Долқунтай Абдухелил бу жилиму наһийәдики һал-оқити төвән аилиләргә озуқ-түлүк халтилирини ианә қилип, нураний аниларға ипәк гиләмчилирини һәдийә қилди. 

Әмгәкчиқазақ наһийәси.

7341 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы