• Асасий мақалилар
  • 16 Маусым, 2022

Референдум чоң имканийәтләрни ачти

Дөләт рәһбири Қасым-Жомарт Тоқаев Ихтисадий ресурсларниң қанунсиз топлинишиға қарши туруш мәсилилири бойичә идариләрара комиссияниң мәҗлисини өткүзди.
Президент мәҗлис қатнашқучилириға мураҗиәт қилип, хәлиқниң Конституциягә киргүзүлгән түзитишләрни қобул қилғанлиғини вә уларниң қануний күчкә киргәнлигини, гражданларниң шуниң арқилиқ Йеңи, Адаләтлик Қазақстанни қурушни қоллап-қувәтлигәнлигини тәкитлиди. 
– Референдум миқияслиқ өзгиришләрни давамлаштуруш үчүн имканийәтләрни ачти. Биз хәлиқниң ишәнчисини вә күткинини ақлишимиз керәк. Һәммиси үчүн охшаш имканийәтләр җәмийитини қуруш зөрүр. Бизниң гражданлар һәқиқәтәнму ихтисадий өсүш яхшилиқлиридин пайдилиниши керәк. Дөлитимизниң байлиғи мәлум шәхсләргә әмәс, бәлки пүткүл хәлиққә тәәллуқ. Шуңлашқа пүткүл аһалиниң паравәнлигини ашуруш бизниң муһим вәзипимиз болуп һесаплиниду, – дәп тәкитлиди Қасым-Жомарт Тоқаев.
Дөләт рәһбири ихтисатта тәртип орнитиш һәм чүшинишлик вә адил оюн қаидилирини вуҗутқа кәлтүрүш зөрүр, дәп һесаплайду. Униң сөзичә, ихтисат саһасида наһайити нурғун системилиқ проблемилар вә хаталиқлар топланди. 
Президентниң тәкитлишичә, Йеңи Қазақстанда киримни адаләтлик тәхсим қилиш вә гражданларниң турмуш дәриҗисини ашуруш ихтисатни тәрәққий әткүзүшниң баш принципи болуши шәрт.
– Техи йеқиндила мениң Пәрманим билән Ихтисадий ресурсларниң қанунсиз топлинишиға қарши туруш мәсилилири бойичә комиссия тәсис қилинди. Униң паалийити қанунсиз чиқирилған малийә васитилирини мәмликәткә қайтурушқа қаритилиду. Комиссия иши һәрдайим җәмийәтниң жуқури диққәт-нәзәридә болиду. Адәмләр биздин қуруқ вәдә әмәс, бәлки реал нәтиҗиләрни күтүватиду, – дәп атап көрсәтти Дөләт рәһбири. 
Униң пикричә, җипсилиқ вә қанунға нуқсансиз риайә қилиш һәм җавапкәрлик муһимдур. 
– Һәммә иш-һәрикәт барлиқ һоқуқ нормилириға толуқ мувапиқ келиши вә қанунға қәтъий һәм еғишмай риайә қилишқа асаслиниши лазим. Прокуратура, назарәт оргини сүпитидә, барлиқ көрүлүватқан җәриянларниң нуқсансиз юридик сүпитини тәминлиши шәрт. Мәзкүр мәсилидә биздә хаталиқларға вә саватсиз қәдәмләргә йол қоюшқа һоқуқ йоқ, – деди Президент. 
Дөләт рәһбири шуниң билән бирқатарда Идариләрара комиссияни нәтиҗидарлиқ ишләшкә вә паалийәтчанлиқ көрситишкә чақирди.
– Комиссия алдиға қоюлған вәзипиләр һәқиқәтәнму ениқ вә асаслиқ нәтиҗиләрни көздә тутиду, – дәп тәкитлиди Президент.
Униң сөзичә, мәмликәттин қанунсиз чиқирилған капитални қайтуруш үчүн барлиқ юридик җәриянларға риайә қилишқа бағлиқ болған мәлум вақитниң тәләп қилинидиғанлиғини чүшиниш зөрүр. 
Қасым-Жомарт Тоқаев сотқа тапшурулған җинаий ишларниң сани әмәс, бәлки ихтисатни һәқиқий түрдә сағламлаштурушниң асасий мәхсәт болуп һесаплинидиғанлиғини алаһидә атап көрсәтти.
Президент җамаәтчилик вә гражданларни комиссияниң иши тоғрилиқ мунтәзим рәвиштә хәвәрләндүрүшни тапшурди. 
– Алдимизға қанунсиз чиқирилған активларни қайтуруш вә адаләтликни әслигә кәлтүрүш бойичә ениқ мәхсәтләр қоюлди. Һазир әң муһими – мошу ишни тоғра уюштуруш. Комиссия әзалири мошу муһим вәзипини шәрәп билән орунлайду, дәп ойлаймән. Президент Мәмурийити мәзкүр мәсилини назарәт астида тутиду, – дәп хуласилиди Қасым-Жомарт Тоқаев.
Мәҗлистә шундақла Премьер-министр Әлихан Смайылов вә Баш прокурор Берик Асылов доклад билән сөзгә чиқти.
 

774 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы