• Әхбаратлар еқими
  • 22 Маусым, 2022

Әң мәптункар регионға айлиниду

Қазақстан Президенти Қасым-Жомарт Тоқаев Улытав вилайитидә иш бабидики сәпәрдә болуп, йеңи вилайәтниң тәрәққият истиқбали билән тонушти.
 Дөләт рәһбиригә еқимдики әһвал вә Жезқазған шәһири һәм Улытав вилайитиниң тәрәққият истиқбили тоғрилиқ доклад қилинди.
 Вилайәт һакими Берик Әбдығалиниң сөзичә, регионда һәл қилинишини күтүватқан бирқатар проблемилар моҗут. Мәсилән, экологиялик әһвалниң начарлишиши, җумһурийәтлик әһмийәткә егә йолларниң әһвали, шәһәр ихтисадиниң начар диверсификациялиниши вә чоң карханиларға бағлиқ болуши, инженерлиқ-коммуникациялик инфрақурулумниң кардин чиқиши, иҗтимаий саһадики проблемилар шулар җүмлисидиндур. 
 Берик Әбдығали мәхсус ихтисадий зониниң қурулуши вилайәт ихтисадини диверсификацияләшни чапсанлатқан болар еди, дәп һесаплайду. Қасым-Жомарт Тоқаевниң тапшурмиси бойичә 2025-жили Уйтас-Айдос канилиниң қурулуши аяқлишиду. 2023-жилдин тартип Эскулин су амбиридин Жезқазған шәһиригә су бериш башлиниду. 
 Кона вә авариялик һаләттики өйләр, улар шәһәрдики өйләрниң 33 пайизини тәшкил қилиду, проблемисини һәл қилиш үчүн турушлуқ өйләрни йеңилаш-яхшилаш башланди. 2022–2023-жилларда шәһәрниң йеңи наһийәсидә 20 көппәтирлик өй селиш планлиниватиду. 
 Регион һакими униңдин ташқири Президентни иҗтимаий саһа проблемилирини һәл қилиш үчүн дөләт университетини, қошумчә билим мәркизини, йеңи сүпәтлик мәктәпләрни, тәнтәрбийә-сағламлаштуруш комплекслирини, шундақла филармония залини селишниң муһим екәнлигидин хәвәрдар қилди.
 Дөләт рәһбири Жезқазғандики вә Улытав вилайитидики һазирқи әһвал билән тонушуп чиқип, ейтилған тәклипләрни қоллап-қувәтлиди.
 Қасым-Жомарт Тоқаев биринчи новәттә йәрлик аһалиниң турмуш сүпитини яхшилашниң зөрүр екәнлигини атап көрсәтти. Президент Һөкүмәткә вә вилайәт һакимлиғиға йолларни, экология вә билим бериш саһалирини тәрәққий әткүзүш бойичә тегишлик чариләрни көрүшни тапшурди.
 – Шәһәр барлиқ җәһәттин истиқбаллиқ болуши керәк. Нурғун ишни әмәлгә ашурушқа тоғра келиду. Һәм вилайәтниң, һәм Жезқазғанниң мәмликәтниң әң мәптункар регионлиридин болидиғанлиғиға ишинимән, –деди Дөләт рәһбири. 
 Шундақла «Компания Казахмыс» ҖЧЙниң башқарма рәиси Эдуард Огай компанияниң Жезқазған вә Сәтбаев шәһәрлириниң инфрақурулумини тәрәққий әткүзүшкә қолидин келишичә һәссә қошидиғанлиғини билдүрди. 
 2022-жилда компания корпоративлиқ иҗтимаий җавапкәрлик даирисидә 25,4 миллиард тәңгә әвәтиду. Бу, өткән жил билән селиштурғанда, икки һәссә ошуқ. 
 – Мениң мундақ проблемиға тохталғум келиватиду. Әлвәттә, иҗтимаий проблемилар һәл қилинишни күтүватиду. Мән «Казахмыс» корпорациясидин паал қатнишишни илтимас қилимән. Әтималим, алаһидә әһвалда 25,4 миллиард тәңгә азлиқ қилидиғанду. Әгәр қурулушни мәбләғ билән тәминләшни көпәйтиш имканийити болса, иҗтимаий объектлар қурулушиға ярдәм қилиш керәк. Спорт иншаәтлири керәк. Турғунлар инфрақурулумниң йетәрлик дәриҗидә яхшилинидиғанлиғиға үмүт қилмақта. Әлвәттә, мәдәнийәт объектлириму алаһидә диққәтни тәләп қиливатиду, – дәп тәкитлиди Президент. 
 Қасым-Жомарт Тоқаев сөзиниң ахирида спорт иншаәтлирини салғанда көпсаһалиқ комплексларға әһмийәт бериш керәклигигә диққәтни җәлип қилди. Шундақла компания йеңи үлгиләргә мувапиқ келидиған турушлуқ өйләрни селишни планлаватиду. 
 Дөләт рәһбири андин кейин «Жошы хан» тарих-мәдәнийәт комлексини зиярәт қилди вә Миллий қурултайниң биринчи мәҗлисигә қатнашти. 
 

401 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы