• Асасий мақалилар
  • 29 Маусым, 2022

Кеңәш мәҗлисини өткүзди

Дөләт рәһбири «Астана» Хәлиқара малийә мәркизини башқуруш кеңишиниң мәҗлисини өткүзди.
Мәҗлистә «Астана» Хәлиқара малийә мәркизиниң (АХММ) 2021-жилдики паалийитиниң йәкүни чиқирилди, шундақла уни техиму тәрәққий әткүзүш бойичә тәклипләр қаралди. 
Қасым-Жомарт Тоқаев жуқури хәлиқара бошлуқ шараитида инвестициялик турақлиқни тәминләйдиған ишәшлик малийә қураллирини издәп тепишниң актуаллиққа айлиниватқанлиғиға диққәтни җәлип қилди. Қазақстан вә пүткүл Мәркизий Азия региони үчүн «Астана» Хәлиқара малийә мәркизи әйнә шундақ қуралларниң бири болуп һесаплиниду. 
– Қазақстан өз тәрәққиятиниң нәрқ, әркин вә риқабәткә қабил ихтисатниң сүръәтлик өсүшигә нишан қилинған йеңи басқучиға қәдәм ташлаватиду. Мундақ шараитта чәтәллик инвесторларниң вә содидики шерикләрниң ишәнчисини сақлап қелиш бизниң асасий әвзәллигимиз болуп һесаплиниду. Әйнә шуниңға бағлиқ АХММниң инвестицияләрниң ишәшликлиги вә бехәтәрлигиниң кепили сүпитидики иқтидари толуқ һәрикәткә кәлтүрүлүши шәрт, – дәп билдүрди Президент. 
Дөләт рәһбири АХММ алдида өзиниң региондики йетәкчи малийә мәркизи сүпитидики мәртивисини институционал мустәһкәмләш бойичә миқияслиқ вәзипә туруватқанлиғини тәкитлиди.
Қасым-Жомарт Тоқаев өз нутқида тәңгә һесавидики суверен облигацияләргә узақ муддәтлик чәтәллик инвесторларни җәлип қилишниң актуаллиғиға тохталди. У һазирқи наениқлиқ шараитида инвестицияләр вә ресурслар үчүн риқабәтниң кәскинлишиватқанлиғи тоғрилиқ пикир ейтти. Инвесторлар корпоративлиқ башқуруш принциплириға жуқури дәриҗидә әмәл қилиниватқан, қанун үстүнлүккә егә болуп, хәлиқара юрисдикция моҗут мәйданларни издәйду. 
– Мәмликәткә йеңи ишәшлик мәнбәләр керәк. Буниң үчүн болса, хәлиқара депозиторийлар билән қоюқ өзара һәрикәттә болуш лазим. Мундақ шараитта мунтәзим тәртипкә вә хәлиқара һоқуққа егә АХММ утуқлуқ көрүниду. Һөкүмәткә Миллий банк вә АХММ билән бирликтә узақ муддәтлик институционал инвесторлар билән дуниявий инфрақурулумға қошулуш мәсилисини ишләп чиқишни тапшуримән. Бу ихтисадимизниң турақлиғиниң өсүши үчүн муһим қәдәм болиду, – дәп тәкитлиди Президент.
Дөләт рәһбири униңдин ташқири турақлиқ тәрәққиятни қолға кәлтүрүш вә «йешил» лайиһиләрни әмәлгә ашуруш мәсилилиригә тохталди. У өткән жилда турақлиқ мәбләғ билән тәминләш базири көләминиң 500 һәссә өсүп, 250 миллион долларға йәткәнлигини, униңдин «йешил» облигацияләрниң вә несийәләрниң 58 пайизиниң АХММниң «йешил» малийәләр мәркизи тәрипидин тәстиқләнгәнлигини хәвәр қилди. 
Дөләт рәһбири өз сөзидә шундақла криптоиндустрияни вә рәқәмлик активларни тәрәққий әткүзүш мәсилилиригә диққәтни җәлип қилди.
– Биз өз иқтидаримизни толуқ пайдилинишимиз керәк. Һә, биз криптоактивларни елиш бойичә иккинчи мәмликәт, бирақ биз әсла пәқәт хам әшия мәртивисини сақлап қалмаслиғимиз шәрт. Шуниңға бағлиқ Һөкүмәт малийәни тәртипкә кәлтүргүчиләр вә АХММ билән бирликтә комплекслиқ экосистемини тәрәққий әткүзүш үчүн қолайлиқ тәртипкә кәлтүрүш шараитини яритиши керәк, – деди Қасым-Жомарт Тоқаев.
Дөләт рәһбири мәҗлис йәкүнини чиқирип, АХММниң 2021-жилқи паалийитиниң жиллиқ һесавитини тәстиқлиди.
 

2323 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы