• Әхбаратлар еқими
  • 03 Тамыз, 2022

Инфляция 15 пайизни тәшкил қилди

Миллий статистика бюросиниң мәлуматлири бойичә, 2022-жили июльда инфляция жил бойичә алғанда 15 пайизни, бир айда 1,1 пайизни тәшкил қилди.
Озуқ-түлүк товарлири 2022-жилниң июль ейида өткән жилниң мошу вақти билән селиштурғанда 19,7, озуқ-түлүк әмәс товарлириниң – 14,2, һәқ төләп көрситилидиған хизмәтләрниң 9,2 пайиз өсти. 
Болупму қумшекәр (87,3 пайиз), баш пияз (71,7 пайиз) вә ун (36,6 пайиз) баһалири өсти. 
Миллий статистика бюросиниң хәвиридә тәкитлинишичә, 2022-июльда озуқ-түлүк әмәс товарлири баһасиниң өсүши 14,2 пайизни тәшкил қилди. 
Шәхсий пайдилиниш товарлириниң баһаси 26,3 пайиз, жуюш вә тазилаш васитилириниң 23,5 пайиз, мәиший буюмларниң 22,6 пайиз, қурулуш материаллириниң 20,5 пайиз, җиһаз вә күндилик турмуш буюмлириниң 19,1 пайиз, автомобильларниң 15,2 пайиз, қача-қомучниң 14,8 пайиз, фармацевтика мәһсулатиниң 9,7 пайиз өсти.
Бир жилда һәқ төләп көрситилидиған хизмәтләр баһаси 9,2 пайиз өсти. Комплекслиқ дәм елишни уюштуруш баһаси 19,1 пайиз, умумтамақлиниш хизмәтлириниң 16,8 пайиз, саламәтликни сақлаш саһасиниң 15 пайиз, санаторийларниң 14,1 пайиз, сатрашханилар вә шәхсий хизмәт қилиш орунлириниң 13 пайиз, меһманханиларниң 5,9 пайиз көтирилди. Йолувчилар транспортиниң хизмити 5,5 пайиз қиммәтлиди. 
Миллий статистика бюроси Баһалар статистикиси бюросиниң мудири Қуанышбек Жакыпбекулыниң сөзичә, турушлуқ өй-коммунал хизмәтлири саһасида тарифларниң һәм өскәнлиги, һәм көтирилгәнлиги байқалди. 
– Бийил июль ейида өткән жилниң июль ейи билән селиштурғанда, электр энергияси тарифи 2,4 пайиз, әхләт елип кетиш, тәхсим қилиш тармақлири билән тошулидиған газ 1,8 пайиз өсти, әнди мәркәздин исситиш 2,3 пайиз, иссиқ су 1,3 пайиз, су чиқириш 0,5 пайиз төвәнлиди, – дәп тәкитлиди Қуанышбек Жакыпбекулы. 

385 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы