• Асасий мақалилар
  • 03 Тамыз, 2022

Грузия Премьерини қобул қилди

Қазақстан Президенти Қасым-Жомарт Тоқаев җумһурийәткә рәсмий сәпәр билән кәлгән Грузия Премьер-министри Ираклий Гарибашвилини қобул қилди.
Дөләт рәһбири Ираклий Гарибашвилиға илтипат билдүрүп, иккитәрәплимә һәмкарлиқниң изчил тәрәққий етиватқанлиғини, шундақла бирлишип күч чиқиришларни бирләштүрүшниң муһим екәнлигини тәкитлиди. 
– Сизниң сәпириңизниң утуқлуқ болидиғанлиғиға үмүт қилимән. Мениң билишимчә, сәпәр програмиси наһайити бай, бирқатар учришишлар планланди, улар Қазақстан вә Грузия оттурисидики өзара һәрикәтниң тәрәққий етишиға қошумчә күч-қувәт бериду. Бизни достлуқ вә көп қирлиқ һәмкарлиқ түгүнлири бағлаштуриду. Бизниң вәзипимиз – достанә мунасивәтлиримизни буниңдин кейинму күчәйтиш вә риваҗландуруш, – дәп тәкитлиди Қасым-Жомрт Тоқаев. 
Учришиш давамида Қазақстан вә Грузия оттурисидики сода-ихтисадий, инвестициялик вә гуманитарлиқ һәмкарлиқниң актуал мәсилилири муһакимә қилинди. 
Сөһбәтдашлар транспорт-логистикилиқ өзара һәрикәткә айрим диққәт бөлди. Қазақстан базиримизни хошна Хитайға уттур чиқидиған Мәркизий Азиягә дәрваз сүпитидә қарашни тәклип қилиду. Чүнки мәмликәтләр регион әллири оттурисида алақиларни күчәйтиштә муһим роль ойнаватқан Транскаспий хәлиқара транспорт маршрути бойичә шерикләрдин һесаплиниду. 
Ираклий Гарибашвили өз новитидә Қасым-Жомарт Тоқаевқа учришиш имканийити үчүн миннәтдарлиқ билдүрди вә өз мәмликитиниң алақиларни күчәйтишкә мәнпийәтдар екәнлигини йәнә бир қетим тәстиқлиди. 
– Бизниң оттуримизда әҗайип достлуқ вә көп қирлиқ һәмкарлиқ мунасивәтлири орнитилған. Мән муһим идея билән кәлдим – биз өзара иккитәрәплимә һәрикәтни тәрәққий әткүзүшкә, барлиқ саһаларда мунасивәтлиримизни кәңәйтишкә мәнпийәтдар. Мәмликәтлиримиз оттурисида товар муамилиси көпийиватиду. Биринчи йерим жиллиқта у 150 пайизғичә өсти. Әлвәттә, биздә алақиларни кәңәйтиш үчүн чоң имканийәтләр моҗут. Биз өзара мунасивәтләрни, һәмкарлиқ вә достлуқни қәдирләймиз, –деди Ираклий Гарибашвили. 
Учришиш ахирида Дөләт рәһбири Грузия Президенти Саломе Зурабишвилиға салам йоллиди. 
 ***
Ираклий Гарибашвили шундақла Қазақстан Премьер-министри Әлихан Смайылов билән учришип, музакириләрни өткүзди.
Қазақстан вә Грузия оттурисида сода-ихтисадий, туристик вә мәдәний-гуманитарлиқ саһалардики һәмкарлиқни техиму күчәйтиш музакириләрниң асасий мавзуси болди.
Учришишта Премьер-министрлар бирқатар иккитәрәплимә һөҗҗәтләрни имзалиди. 

370 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы