• Асасий мақалилар
  • 18 Тамыз, 2022

Ядролуқ медицина мәркизидә болди

Дөләт рәһбири Қасым-Жомарт Тоқаев Президент Иш башқармисиниң Медицинилиқ башқуруш мәркизини зиярәт қилип, йеңи объектлар — Ядролуқ медицина мәркизи вә давалаш-диагностика блоги билән тонушти. 
Зиярәт қилиш бийил сентябрь ейида ечилиши бәлгүләнгән Ядролуқ медицина мәркизини көздин кәчүрүштин башланди. Мәркәзниң ишқа қошулуши диагностика қилиш қийин болған рак ағриқлирини, кардиологиялик вә неврологиялик өзгиришләрни дәсләпки басқучида ениқлаш, шундақла бемарларниң тәкшүрүштин өтүш новитини хелә қисқартиш имканийитини бериду. Давалинишқа йолланмиси бар барлиқ қазақстанлиқлар мәзкүр мәркәз хизмитидин пайдилиналайду. 
Йеңи диагностика блогиниң алаһидилиги — позитронлуқ эмиссиялик компьютерлиқ томограф. Мәзкүр аппаратниң надирлиғи жуқури илдамлиқта сканерлаштин вә диагностика сүпитини ашуруштин ибарәт. Бу болса, бемарларни бир жилда тәкшүрүшни үч миңдин йәттә миңғичә көпәйтиш имканийитини бериду. Мәркизий Азия вә МДҺ әллиридә мундақ аппаратлар йоқ. 
Қасым-Жомарт Тоқаевқа шундақла Ядролуқ медицина мәркизиниң башқиму имканийәтлири, шу җүмлидин циклотронлуқ комплекс тоғрилиқ әхбарат берилди. Комплекс тоққуз радиофармокологиялик препарат чиқиришни йолға қоюш имканийитини бериду. Бу препаратларниң сәккизи илгири Қазақстанда чиқирилмиған еди. 
Дөләт рәһбири шундақла йеңи кардио-диагностикилиқ блокни көздин кәчүрди. Униңда еғир ағриққа учриған бемарларни давалайдиған вә әслигә кәлтүридиған йәттә терапия бөлүми бар. 
Ахирида Президент врачлар вә алимлар билән сөһбәтлишип, Ядролуқ медицина мәркизиниң ечилишиниң муһим вақиә екәнлигини тәкитлиди.
 

2088 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы