• Хәйрихаһлиқ
  • 24 Тамыз, 2022

Анилар ярдәмгә кәлди

Мәлумки, һазир елимиз даирисидә «Мәктәпкә — йол» җумһурийәтлик акцияси өтүватиду. Сахавәтлик инсанлар иҗтимаий тәминати начар аилиләр балилирини мәктәпкә тәйярлаш, уларни һаҗәт кийим-кечәк, қураллар билән тәминләшкә ярдәмләшмәктә.

Йолдаш МОЛОТОВ,
«Уйғур авази»

 Мана өткән һәптидә Алмута шәһәрлик ҚХА шөбисиниң Анилар кеңишиниң уюштуруши билән «Мәктәпкә — йол» хәйрихаһлиқ акцияси өтти. Анилар кеңишиниң әзалири «Қазақстан туңганлириниң бирләшмиси» җәмийәтлик тәшкилатиниң рәиси Рамазан Аюбовниң қоллап-қувәтлиши билән көпбалилиқ аилиләргә вә «Баракат» балилар өйидә тәрбийилиниватқан балиларға ярдәм көрситилди. Һазир «Баракат» балилар өйидә 17 бала тәрбийилиниватиду. Алаһидә тәкитләш лазимки, Анилар кеңиши мәзкүр балилар өйигә 2021-жилдин башлап турақлиқ рәвиштә ярдәм берип кәлмәктә. Анилар кеңишиниң әзалири уларға озуқ-түлүк, кийим-кечәкләрни елип бериватиду һәм коммунал хизмәтлириниң төләмлириниму төләп бәрмәктә.
 Анилар кеңишиниң новәттики хәйрихаһлиқ акциясидә 22 балиға мәктәп сумкилири, һаҗәт китап-дәптәрләр вә башқиму қураллар сетивелинди. Алмута шәһәрлик «Достлуқ өйидә» өткән акциядә мошуларниң һәммиси тәнтәнилик рәвиштә тапшурулди. 
«Мошундақ хәйрихаһлиқ акцияләрдә грек, уйғур, авған, поляк, курд вә дағстан мәдәнийәт мәркәзлириниң Анилар кеңәшлириниң әзалири алаһидә паалийәтчанлиқ көрситиватиду. Биз һәммимиз бирликтә Анилар кеңиши алдида турған барлиқ мәсилиләрни утуқлуқ һәл қилип келиватимиз», − дәп тәкитлиди Алмута шәһәрлик ҚХА Анилар кеңишиниң рәиси Маһинур Исрайилова.

8669 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы