• Җәмийәтлик тәшкилатларда
  • 01 Қыркүйек, 2022

Узунағаштики учришиш

Җамбул наһийәсидики жигитбашлири билән болған учришишниң тәшәббускари, мәзкүр наһийәниң баш жигитбеши Мәхсүт Нәзәров болди. Баш қошуш Узунағаш йезисида өтүп, униңға наһийәдики жигитбашлири билән биллә ҖУЭМ йенидики Жигитбашлири кеңишиниң рәиси, ҚХА әзаси Долқунтай Абдухелил вә униң орунбасари Октябрь Қурбанниязов, Ақсақаллар кеңишиниң рәиси Ярмәһәмәт Кебиров тәклип қилинди. Күн тәртивидә: жигитбашлириниң роли вә «Уйғур авази» гезитиға 2023-жилға муштири топлаш мәсилилири қаралди. 

Бәхтишат СОПИЕВ,
«Уйғур авази»

— Уйғурлар әзәлдин намиға лайиқ, уюшчанлиқ билән яшаватқан милләт, — дәп сөзини башлиди Долқунтай Абдухелил. – Хәлқимизни инақлиққа дәвәт қилишта, әлвәттә, жут башқуруватқан жигитбашлириниң роли чоң дәп ойлаймән. Чүнки жигитбеши өзиниң мәһәллисидики чоң- кичикниң һәммисини тонуйду. Уларниң немә ишлар билән бәнт екәнлигидинму хәвәрдар. Хәлиқниң уларни «жут атиси» дәп атишиму бекар әмәс. Шуңлашқа һәрким уларға чоң ишәнчә билән қарайду. Өткәндә ҚХА рәисиниң орунбасари биздики жигитбашлири институтиға өзиниң жуқури баһасини бәрди. Демәк, жигитбешиниң статуси өсүватиду. Әнди биз мошуниң лайиқ иш елип беришимиз керәк. Бир тәшкилатниң әтрапиға топлинип, ишләш керәк. У — ҖУЭМ. Һөкүмәт тонуйдиған тәшкилатниң әтрапиға топлинип, ана тилимизни, урпи-адәтлиримизни вә мошу әснада паалийәт елип бериватқан бирдин-бир рәсмий гезитимиз — «Уйғур авазини» сақлашқа күч чиқирайли. Бүгүнки учришимизниңму әсли мәхсити шундақ. Әң әвзили, бөлгүнчиликкә йол қоймайли.
— Илгири жигитбешиниң паалийити чәкләклик болуп, жутниң иши биләнла бәнт едуқ, — дәп сөзини башлиди Я.Кебиров. — Һазир жигитбашлириға жуқури җавапкәрчилик жүкләнди. У болсиму ана тилимиздики мәктәпләргә бала топлаш, миллий нәширләр муштирилириниң санини көпәйтиш. Мошуларниң һәммиси бизниң келәчигимизни бәлгүләйду. Бөлүнүп нәгә баримиз? Өткәндә бир баш қошушта миллитимиз арисидики бөлгүнчиликләрдин хәвири бар, ҚХА рәисиниң орунбасари: «Бир аилидә икки ата, икки ана болмайду» дегән пикирни ейтти. Демисиму растқу, бөлгүнчилик бизгә һечқачан яхшилиқ елип кәлмәйду. 
Новәттики натиқ О.Қурбанниязов жигитбашлирини өзара өмлүккә, тәҗрибә алмаштурушқа чақирип, саһипханларға йеңи үлгидики «Жигитбеши» намлиқ бәлгүсини тонуштурди. 
Хуласә сөзни алған Җамбул наһийәсиниң баш жигитбеши меһманларға миннәтдарлиғини билдүрүп, өз пикрини төвәндикичә изһар қилди:
— Наһийәмизгә уйғурларға аит көплигән тәшкилатлар, меһманлар келиду, — дәп сөзини башлиди М.Нәзәров. — Һәммисини қучақ йейеп қарши алимиз. Ейтқанлирини тиңшаймиз, бәзидә өзара музакиригә чүшүп кетимиз. Амма тутқан йолумиз бир. У бөлгүнчиликкә йол қоймаслиқ, һөкүмәт етирап қилған тәшкилатни қоллап-қувәтләш арқилиқ тилимизни, мәдәнийитимизни сақлап қелиштин ибарәт.

СҮРӘТТӘ: саһипханлар билән меһманлар хатирә сүрәткә чүшти.

3145 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы