• Әхбаратлар еқими
• 08 Қыркүйек, 2022

Армиягә чақириш башланди

Дөләт рәһбириниң Пәрманиға мувапиқ елимиздә 2022-жилниң 1-сентябрь күнидин тартип күздә һәрбий хизмәткә чақириш кампанияси башланди. 
Қазақстан Җумһурийити Мудапиә министрлигиниң әхбарити бойичә, йәрлик иҗраий органлар һакимлири орунбасарлириниң рәһбәрлигидә вилайәтлик, шәһәрлик вә наһийәлик һәрбий хизмәткә чақириш комиссиялири ишқа киришти. 
Һәрбий хизмәткә чақириш кампанияси 31-декабрьғичә давамлишиду вә төрт айда Қураллиқ күчләрниң, башқа әскәрләр вә һәрбий ясақларниң сепини 18 – 27 яш арилиғидики 18 миңға йеқин йеңи елинған әскәр толуқтуриду. 
Буниңда 8 миңға йеқин һәрбий хизмәткә чақирилғучи Қураллиқ күчләр сепигә қошулиду, 6 миңдин ошуқ адәм Миллий гвардиягә, 3 миңдин ошуқ –Миллий бехәтәрлик комитетиниң Чегара хизмитигә, 300гә йеқин чақирилғучи – Пәвқуладдә вәзийәтләр министрлигигә, 100 йеқини Дөләт күзити хизмитигә чақиртилиду. 
Чақирилғучиларни SMS-учурлар, шундақла өйлиригә вә иш орунлириға шәхсий чақириқ қәғәзлирини әвәтиш арқилиқ хәвәрләндүриду. 
Һәрбий хизмәткә чақиришни йәрлик иҗраий органлар уюштуриду вә униң әмәлгә ашурулушини тәминләйду. Һәрбий хизмәткә чақириш комиссиялиригә вилайәтләр, шәһәрләр, наһийәләр һакимлириниң орунбасарлири рәһбәрлик қилиду.
Түнүгүндин башлап йеңи чақирилғанлар жиғилиш пунктлиридин һәрбий қисимларға әвәтилди.