- Әхбаратлар еқими
- 08 Қыркүйек, 2022
Қандақ вә қачан қошуп берилиду
Президентниң мәтбуат кативи Руслан Желдибай 18 яшқичә болған қазақстанлиқларниң һесап-чотиға мәбләғниң қандақ вә қачан қошуп берилидиғанлиғини хәвәр қилди.
Мәтбуат кативиниң сөзичә, 2024-жили мәзкүр норма күчигә киргән пәйттә 18 яшқа толмиған барлиқ балилар намиға мәхсус һесап-чотлар ечилиду.
– Ахча улар балағәт йешиға йәткичә әвәтилиду. Шундақла һесап-чотниң чәт әл валютисида болидиғанлиғини тәкитләш зөрүр. Униңдин ташқири жиғилған ахчиға униң өсүми қошулиду. Бу чариләр мәбләғни инфляциядин һимайә қилиш имканийитини бериду, – дәп язди Руслан Желдибай Facebookта.
Илгири у Миллий банк вә Һөкүмәтниң һесави бойичә, һәр жили мәмликәттә оттура һесапта 400 миң бала туғулидиғанлиғини һесапқа алғанда, 18 яшқа қәдәр шәхсий һесап-чотта кам дегәндә үч миң долларниң жиғилидиғанлиғини хәвәр қилған еди.
Мәлумки, Президент өз Мәктүбидә Миллий фондниң һәр жилқи инвестициялик кириминиң 50 пайизини балилар балағәт йешиға йәткичә уларниң мәхсус һесап-чотиға әвәтиш тәшәббусини оттуриға қойди. Жиғилған ахча турушлуқ өй сетивелишқа вә билим елишқа сәрип қилиниду.
– Бу мәбләғ өсүватқан әвлатқа чоң һаятқа һәқиқий йолланма бериду. Фонд һәқиқәтәнму миллий мәртивигә егә болиду вә хәлиқ мәнпийәтлири үчүн хизмәт қилиду, – дәп тәкитлиди өз сөзидә Президент.
500 рет
көрсетілді0
пікір