• Әхбаратлар еқими
  • 15 Қыркүйек, 2022

Алмутида әхләтни көйдүрүш заводи селиниду

Алмутида 2027-жилға қәдәр чиқинда вә әхләтләрни көйдүрүш һәм электр энергиясини ишләпчиқириш бойичә завод селиниду. Бу тоғрилиқ шәһәр һакиминиң орунбасари Асқар Амрин Алмутини 2025-жилғичә тәрәққий әткүзүш программисини тәстиқләш бойичә хәвәр қилди.
Жилиға 500 миң тонна чиқиндини йоқ қилидиған завод һазирқи күндә Алмута вилайитиниң Айтей, Али вә Талғир йезилиридики полигонларға елип бериливатқан чиқинда вә әхләттин толуқ қутулушқа мүмкинчилик бериду. Униңға сәрип қилинидиған инвестиция көләми 150 миллион еврони тәшкил қилиду.
“Бу завод шәһәрниң барлиқ чиқиндисини толуқ йоқитишқа имканийәт яритиду. У ишқа қошулғандин кейин Алмута вилайитидики полигонлар мәсилиси һәл қилиниду. Бу йәрләр һавани бузуш мәнбәсигә айланған. Чиқинда полигонлиридики йәр вә әтрап муһит узун жилларға зәһәрләнгән. Мәзкүр полигонларниң барлиғи Алмута вилайитигә җайлашқан. Әнди шәһәр болса, нәқ шуларниң йенида. Дунияниң көплигән дөләтлири чиқиндиларни йәргә көмүштин көрә көйдүрүшкә көчкән”, – дәп қошумчә қилди Асқар Амрин.
Һазирқи күндә аһалиниң вә тәшкилатларниң чиқиндиларни бөләк жиғишқа көчүш бойичә рәғбәтләндүрүш программилириниң йоқлуғиға алаһидә диққәт ағдурди. Шәһәр муһитида чиқиндиларниң макани болған кафе, ресторан вә меһманханилар үчүн чиқиндиларни йоқитишниң алаһидә қаидилири йоқ. Шундақла чиқинда вә әхләтләрниң әң чоң мәнбәси болуп һесаплинидиған аммивий-мәдәний чарә-тәдбирләрни өткүзүш қаидилиридә һаҗәт ениқлимиларму моҗут әмәс.
Асқар Амринниң ейтишичә, Алмутида аһалидин чиқидиған чоң көләмлик вә қурулуш чиқиндилирини топлайдиған 279 мәхсус мәйдан селиниду.
“Шәхсий инвестицияләр һесавиға чоң дуканлар йенида ичимликләрниң қаплирини вә әйнәк ботулкиларни қобул қилиш бойичә “фандоматларни” орнитиш тәклип қилинмақта”, – дәп қошумчә қилди һакимниң орунбасари.
Униң тәкитлишичә, чиқиндиларни жиғиш вә тошуш нәтиҗидарлиғини ашуруш үчүн 2025-жилғичә чиқиндиларни тошуш билән шуғуллинидиған барлиқ тәшкилатларниң мәхсус техникиси үчүн диспетчерлаштуруш системиси җарий қилиниду.
Мәзкүр чариләрни көрүш қаттиқ турмуш чиқиндилирини 2025-жилғичә 32 пайизға, әнди 2030-жилғичә 80 пайизға қайта ишләшкә мүмкинчилик бериду.

121 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы