• Әхбаратлар еқими
• 15 Қыркүйек, 2022

Камерилар сани көпийиду

Алмута шәһиридики видеобайқаш системилириға адәмләрниң чирайини тонуш функцияси җарий қилиниду. Бу хилдики йеңилиқ “Алмута шәһирини 2025-жилғичә тәрәққий әткүзүш программисида” көздә тутулған.
Шундақ қилип, Алмутидики иҗтимаий объектларда 7 миңға йеқин видеобайқаш камерилири орнитилиду. Шундақла мәхсус тиркәштә болған вә жүтүп кәткән шәхсләрни оператив издәп тепиш, аэропортларда, вокзалларда вә адәмләр аммивий жиғилған җайларда бехәтәрликни тәминләш үчүн 2026-жилдин тартип видеобайқашниң барлиқ системилириға видеотәһлил вә шәхсләрни тонуш функцияси орнитилиду.
Буниңдин ташқири 2027-жилға қәдәр видеобайқаш системиси террористик һәрикәтләр йүз бериши мүмкин болған барлиқ объектларда вә көп пәтирлик турушлуқ өй комплекслириниң қоралирида камерилар санини көпәйтиш һесавиға кәңәйтилиду.
Камеридики видеокөрүнүшләр шәһәрлик полиция департаментиниң мәркизий оператив пунктида назарәт астида болиду.
Өз новитидә, бу һәқиқий ховупниң барлиғини байқашқа вә уларға нисбәтән қисқа вақит ичидә чариләрни көрүшкә мүмкинчилик бериду. Бу йәрдә гәп ис, от чиққан җайлар һәққидә болуватиду.
Буниңдин ташқири, шәһәр кочилирида автомобиль һалакитини төвәнлитиш үчүн “Vision Zero” концепциясиниң элементлирини җарий қилиш көздә тутулмақта.