• Әхбаратлар еқими
• 22 Қыркүйек, 2022

Үмүтимизни ақлиди

Устазниң биринчи өйи – мәктәп. Чүнки күнимизниң тәңдин-толиси ушбу қутлуқ дәргаһта шагиртлиримизға тәлим-тәрбийә бериш билән өтиду. Чоң һаят қойниға учум болған оқуғучилиримиз җәмийитимизгә ярамлиқ шәхсләрдин болуп йетилип чиқса, хошал болимиз вә буни әмгигимизниң ақланғини дәп билимиз. 
Җүмлидин ана мәктивиниң, устазлириниң үмүтини йәрдә қоймай, әлгә ярамлиқ инсанлардин болуп йетилип чиққан шагиртлиримизниң бири – Тимур Турдиев. У Кичик Ақсу оттура мәктивини 2016-жили тамамлап, Алмутидики Қазақстан Җумһурийити Мудапиә министрлигиниң Қуруқлуқ әскәрлири һәрбий институтида тәһсил көрди. Кәспий билим егиләп чиққандин кейин Астана шәһиридики №83205 һәрбий бөлүмдә хизміәт қиливатиду. 
 Тимур миллий ғурури үстүн, ана мәктивигә дегән муһәббити чоңқур оқуғучилиримизниң бири еди. Мәктәпни тамамлиғандин кейинму, 11 жил билим алған алтун угисини, чоң һаятқа қанат қаққузған устазлирини унтумиди. Техи йеқинда өзи тәшәббус көтирип, мәктивимизгә он комплект һәрбий кийим соға қилди. Шундақла, мүмкинчилигиниң баричә, мәктәпниң хиҗалитидин чиқишқа тиришидиғанлиғини ейтип, жутдашлирини толиму хурсән қилди. 
Хәлқимиздә «Атаңниң балиси болғичә, жутниң балиси бол» дегән яхши ибарә бар. Сөз ахирида Тимурдәк жутниң дуасини алидиған оғланлиримиз көпийивәрсун демәкчиммз. 
Ясинҗан ХОҖАЕВ, 
Кичик Ақсу оттура мәктивиниң башланғуч һәрбий тәйярлиқ 
пәниниң муәллими.
         
 Уйғур наһийәси.