• Әхбаратлар еқими
  • 22 Қыркүйек, 2022

Мәктәп ашханилиридики баһаларни рәткә кәлтүрүш лазим

Маарип министри Асхат Аймағамбетов мәктәп ашханилиридики баһаларниң мәсилисини көтәрди. Министр йәнә бир қетим мәктәп ашханилиридики баһаларни рәткә кәлтүрүшни тәкитләп өтти.
 Балилар һоқуқини һимайә қилиш комитети рәисиниң орунбасари Дулат Жекебаев мәктәп ашханилиридики баһаларни рәткә кәлтүрүш нормилири август ейидин башлап күчигә киргәнлигини қәйт қилди.
 «Августта мәктәпләрдә тамақ билән тәминләшни уюштуруш қаидилиригә өзгиришләр вә толуқтурушлар киргүзүлди. Таам баһалирини рәтләш нормиси бар. Шундақ қилип, баһаларниң асассиз өсүши мәсилисини һәл қилиш мәхсәт қилинмақта. Хизмәт көрситидиғанлар техникилиқ көрсәтмиләрдә бәкитилгән баһаларға вә таамлар тизимиға толуқ риайә қилиши лазим», деди Д.Жекебаев.
Униң ейтишичә, шәһәрдики айрим мәктәпләр техила ашханиларда нәқ пулсиз хизмәт көрситишкә көчмигән.
   «2020-жили бу тәләпләр тамақ билән тәминләш тәләплири тизимиға киргүзүлгән. Амма бу иш техи орунланмай келиватиду. Нәқ пулсиз хизмәт көрситишкә 1368 мәктәп, шуларниң ичидә шәһәрләрдики 1112 мәктәп өткән. 3272 мәктәп ашханилирида видеобайқаш васитилири орнитилған» деди Дулат Жекебаев.
 Министр Асхат Аймағамбетов әмәлиятта йеңи қаидиләрни қандақ орунлаш керәклигини чүшәндүрүп бәрди.
 «Йеңи жилғичә тамақ билән тәминләш хизмәтлирини көрситиватқанлар билән йеңи тәләпләр бойичә чүшәндүрүш ишлирини жүргүзүш һаҗәт. Келәр жили сетивелиш пәйтидә мошу қаидиләргә риайә қилиш керәк. Қаидиләр қобул қилинди. Әнди мәктәп ашханилиридики баһалар базардики оттура баһалардин жуқури болмаслиғи һаҗәт. Ашханилардики баһалар рәткә кәлтүрүлүши лазим. Немишкә мәктәп ашханилиридики баһалар мәктәп дуканлиридики баһалардин жуқури болуши керәк? Бу – мәктәп ашханиси. Қандақ қилип, мәктәптә йерим литр су билән булочкиниң баһаси дуканлардики баһалардин жуқури болуши керәк? Бу пәқәт бизгила әмәс, ата-аниларғиму чүшиниксиз. Биз мәхсус нормиларни қобул қилдуқ. Мошу нормиларға мувапиқ ишләш һаҗәт», деди министр. 
   Қошумчә қилсақ, Маарип министри Асхат Аймағамбетов бирнәччә қетим мәктәп ашханилиридики баһалар һәққидә ейтип өткән еди. Униң пикричә, Саламәтликни сақлаш министрлиги билән бирликтә мәктәп ашханилиридики таамлар тизимини қайта қарап чиқиш лазим.                                                     

37 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы