• Әхбаратлар еқими
  • 22 Қыркүйек, 2022

Президент ШҺТ Кеңишиниң мәҗлисигә қатнашти

Дөләт рәһбири Өзбәкстанниң Сәмәрқәнт шәһиридә өткән Шанхай һәмкарлиқ тәшкилатиға әза дөләтләр рәһбәрлири Кеңишиниң мәҗлисигә қатнашти. 
Пандемиядин кейинки дәсләпки қетим өтүватқан алий дәриҗидики учришишқа тәшкилатқа әза дөләтләр: Қазақстан Президенти Қасым-Жомарт Тоқаев, Өзбәкстан Президенти Шавкат Мирзиеев, Һиндстан Премьер-министри Нарендар Моди, ХХҖ рәиси Си Цзиньпин, Қирғизстан Президенти Садыр Жапаров, Пакстан Премьер-министри Шахбаз Шариф, Россия Президенти Владимир Путин, Таҗикстан Президенти Эмомали Рахмон қатнашти.
 Саммит кичик тәркиптики музакириләрдин башланди. Бу учришишларда Президент Қасым-Жомарт Тоқаев Өзбәкстан Президенти Шавкат Мирзиеевқа мәҗлисни алий дәриҗидә өткүзүватқанлиғи вә меһмандостлуғи үчүн тәшәккүр изһар қилди.
 Саммит кәңәйтилгән тәркиптә өз ишини давамлаштурди. Униңға ШҺТға әза дөләтләр рәһбәрлиридин ташқири ШҺТ йенидики байқиғучи дөләтләр рәһбәрлири вә саммитниң пәхрий меһманлири иштрак қилди.
Қазақстан Президенти Қ.Тоқаев кәңәйтилгән мәҗлистә сөзлигән нутқида Шанхай һәмкарлиқ тәшкилатиниң тәрәққияти йөнилишлири һәққидә тохтилип өтти. 
— Шанхай һәмкарлиқ тәшкилатиниң тәркиви дайим кәңәймәктә. Бу мәзкүр тәшкилатниң хәлиқара дәриҗидә абройиниң өсүватқанлиғини вә тәсирини көрситиду. Дуния һазир хәлиқара әһвалниң җиддийлашқан пәйтини баштин өткүзүватиду. Бүгүнки таңда санкцияләр арқилиқ қисим көрситиш, дуниявий мәсилиләрни тоқунушлар арқилиқ һәл қилиш қанат яйди. Һазирқи заманда өзара ишәнчә йетишмәслиги байқалмақта. Мошундақ шараитта өзара ишәнчә, тәңһоқуқлуқ вә очуқ диалогқа асасланған «шанхай роһини» күчәйтишниң әһмийити зор, — деди Қасым-Жомарт Тоқаев.
— Биз ШҺТниң ихтисадий платформисини өзгәртишимиз лазим, — дәп давамлаштурди Дөләт рәһбири. — Бизниң тәшкилатта әң көп адимий капитали, ресурслар, технологияләр җәһәттин истиқбали зор дунияниң сүръәтлик тәрәққий етиватқан ихтисатқа егә әлләр бар. Биздә энергия ресурслири, көмүр, кам учрайдиған металлар, әслигә келидиған энергия мәнбәлири көп. Тәшкилатниң асасида идеявий тоқунушлар йоқ болғачқа, ШҺТниң хәлиқара дәриҗидә абройи вә аммибаплиғи ашмақта.
Қасым-Жомарт Тоқаевниң ейтишичә, шуңлашқа жилдин-жилға тәшкилатқа әза дөләтләр географияси кәңәймәктә. 
— Мениң пикримчә, Шанхай һәмкарлиқ тәшкилати һазирқи күндә дуниядики хәлиқара тәшкилатлар ичидә әң утуқлуқ тәшкилат дәп һесаплаймән, — деди Дөләт рәһбири. 
 Қазақстан Президенти ихтисадий һәмкарлиқни асасий йөнилишлиригә тохтилип өтти. Улар — транзит-транспорт саһаси, озуқ-түлүк вә энергетика бехәтәрлиги.
— Бизниң ШҺТқа ишәнчимиз зор, — деди Қ.Тоқаев. — Тәшкилат даирисидики һәртәрәплимилик, утуқлуқ һәмкарлиғимизниң  дөләтлиримизниң тәрәққиятиға зор сүръәт беридиғиниға ишәнчим камил.
 Кәңәйтилгән мәҗлискә ШҺТқа әза дөләтләр рәһбәрлиридин ташқири байқиғучи-дөләтләр рәһбәрлири вә пәхрий меһманлар қатнашти: Беларусь Президенти Александр Лукашенко, Иран Президенти Ибрахим Раиси, Моңғолия Президенти Ухнаагийн Хурэлсух, Түркия Президенти Режеп Тайип Эрдоған, Әзәрбәйҗан Президенти Илхам Алиев, Түркмәнстан Президенти Сердар Бердымухаметов, ШҺТ баш кативи Чжан Мин, ШҺТ иҗраий комитетиниң мудири Руслан Мирзаев, БМТ баш кативиниң сәясий ишлар бойичә орунбасари Розмари Дикарло.
 Саммит ишиниң йәкүнлири бойичә 40тин ошуқ һөҗҗәт қобул қилинди.

337 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы