• Әхбаратлар еқими
  • 29 Қыркүйек, 2022

Саламәтликни сақлаш мәсилилиригә беғишланди

Йеқинда өткән хәлиқара Global Health конгресси Дуниявий саламәтликни сақлаш тәшкилатиниң Европидики регионаллиқ бюроси вә Қазақстан Җумһурийити Саламәтликни сақлаш министрлиги оттурисидики келишим даирисидә «Җәмийәтлик саламәтликни сақлашниң алий мәктиви» Қазақстан медицина университетиниң қурулғининиң 25 жиллиғиға беғишланди.

Насирахун РОЗАХУНОВ,
«Уйғур авази»

Мәрасимға 400гә йеқин адәм иштрак қилди. Уларниң арисида Дуниявий саламәтликни сақлаш тәшкилатиниң, Қазақстан Җумһурийити   Сенатиниң, Қазақстан Җумһурийити саламәтликни сақлаш министрлигиниң, Алмута шәһири һакимийитиниң, җәмийәтлик саламәтликни сақлаш миллий мәркизиниң, Иҗтимаий медицинилиқ ғәмсизләндүрүш фондиниң, ХХҖ консулханисиниң, медицина университетлириниң вәкиллири, шундақла жирақ вә йеқин чәт әлләрниң йетәкчи экспертлири болди.
Чарә-тәдбир даирисидә пәхрий меһманлар вә йетәкчи экспертлар COVID-19 пандемиясиниң бесип өтүлгән басқучини тәһлил қилинишини һесапқа елип, аһалиға көрситилидиған медицинилиқ иҗтимаий ярдәмни мукәммәлләштүрүш бойичә мәсилиләрни муһакимә қилди.
Муназирә вақтида жуқумлуқ ағриқларниң алдини елиш вә униңға қарши күришиш бойичә Европа идарисиниң рәһбири, тамақлиниш, җисманий активлиқ вә сәмириш бойичә программиниң рәһбири Жоао Бреда меһманларға вә конгресс қатнашқучилириға медицина хизмәтлирини көрситиш сүпитиниң асасий проблемилири һәққидә ейтип бәрди вә Дуниявий саламәтликни сақлаш тәшкилатиниң медицинилиқ ярдәм көрситишниң сүпитини ашурушниң муһим мәсилилирини һәл қилиштики тәҗрибиси билән ортақлашти.
Доктор Жоао Бреда диетология мәсилилири саһасидики йетүк мутәхәссис вә медицина пәнлириниң намзити һәм бирқатар илмий материалларниң муәллипи. Португалиядә нәшир қилинған балиларниң тамақлиниши саһасидики илмий әмгиги дунияйүзигә кәң тарқалған.
Профессорниң пикричә, униң балиларниң дурус тамақлиниши мәсилилири бойичә китавини қазақстанлиқларниң балиларниң туғулушидин тамақлиниши бойичә тәвсийәләр сүпитидә пайдилинишиға болиду.
Шундақла китапта аялларниң һамилдар вақтида дурус тамақлиниши бойичә көплигән тәвсийә һәм пикирләр ейтилған. Чүнки аял кишиниң дурус тамақлиниши қосақтики балиниң тоғра һәм һәртәрәплимә тәрәққий етиши үчүн наһайити муһим. Муәллипниң илмий әмгигидә балиниң аниниң сүтидин кейин қандақ тамақлиниши, берилидиған тамаққа қандақ озуқ-түлүк мәһсулатлириниң қошулуши керәклиги һәққидә тәпсилий ейтилиду.
«Мениң китавим Португалияниң тамақлиниш мәдәнийитигә асаслансиму, еһтимал, мениң әмгигим Қазақстан балилириниң дурус тамақлиниши бойичә программини түзүш үчүнму пайдилиқ болиду. Мәзкүр әдәбиятни диетология вә нутрициология саһасидики йәрлик мутәхәссисләрниң, алимларниң вә аддий адәмләрниң баһалайдиғанлиғиға үмүт қилимән. Мән мәзкүр әмгигим арқилиқ балиларниң тамақлиниш сүпитиниң муһимлиғини йәткүзмәкчи болдум», – дәйду Жоао Бреда.
Жоао Брединиң сөзичә, балиларға пәқәт тамақлиништила әмәс, бәлки башқа саһалардиму пайдилиқ адәтләрни кичигидин, башланғуч мәктәптин тартип үгитиш зөрүр.
“Диетология саһасидики барлиқ мутәхәссисләрниң тәвсийәси бойичә балиларда артуқ салмақниң болушини йоқитиш вә сәмиришниң алдини елиш үчүн рациондин фаст-фудни, газланған ичимликләрни, энергетикилиқ ичимликләрни, татлиқ-турумни көп истимал қилишни йоқ қилиш керәк”, – дәп йәкүнлиди сөзини доктор Жоао Бреда.
Конгресс программисиға бәш муһим йөнилиш киргүзүлгән, уларниң арисида җәмийәтлик саламәтликни сақлашниң тәрәққияти һәм истиқбали, медицинилиқ ярдәмниң сүпити вә көплигән башқиму мәсилиләр бар.

366 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы