• Тәвәллуд
• 29 Қыркүйек, 2022

Тәвәллуд мубарәк, кәсипдаш!

 Мошу күнләрдә өзиниң өткүр қәлими билән көпчиликкә кәң тонулған талантлиқ журналист, Қазақстан Журналистлар иттипақи мукапитиниң лауреати, “Уйғур авази” гезити баш муһәрририниң орунбасари – җавапкәр катип Бәхтишат Сопиев һаятиниң мәғрур пәллиси – 50-баһарини қарши алмақта. Шу мунасивәт билән кәсипдишимизни чин қәлбимиздин қизғин вә сәмимий тәбрикләп, мустәһкәм саламәтлик, аиләвий хатирҗәмлик вә, әлвәттә, иҗадий утуқ тиләймиз.
 Бәхтишат Мәһәмәтоғли, жуқурида қәйт қилғинимиздәк, пәқәт өткүр қәлими билән көпчиликкә тонулған кәспий журналистла әмәс, бәлки шундақла өзигә жүкләнгән вәзипиниң һөддисидин шәрәп билән чиқишни билидиған менеджер сүпитидиму яхши мәлум. Редакцияниң барлиқ уюштуруш ишлири униңсиз пүтмәйдиғанлиғи бу пикримизниң испатидур. Әнди гезитимизниң мәзмунлуқ вә сүпәтлик чиқишиға “Көп қирлиқ, бир сирлиқ” кәсипдишимизниң қошуватқан һәссиси дайим муһим болған вә кәлгүсидиму шундақ болуп қалидиғанлиғиға ишәнчимиз камил.
Биз Бәхтишат Мәһәмәтоғлиниң аилисидиму меһриван ата, вападар яр екәнлигини мәмнунийәт билән тилға алғумиз келиду. Пурсәттин пайдилинип, униңға вә өмүрлүк җүпти Зульфия Шәмиеваға өзлиригә мәнсүп болған алий инсаний хисләтләрниң барлиғи қәлблиридә өз әксини тапқан пәрзәнтлири Шөһрәт билән Шерингүлниң қизиғини көрүш несип болсун демәкчимиз.

  “Уйғур авази” гезитиниң коллективи.