• Әхбаратлар еқими
  • 24 Қараша, 2022

Әң яхши педагоглар ениқланди

Елимиздә «Әң яхши педагог – 2022» җумһурийәтлик конкурсиниң ғалиплири ениқланди. 
Radisson Hotel Astana меһманханисида өткән мәрасимда Қазақстан Җумһурийитиниң маарип министри Асхат Аймағамбетов «Әң яхши педагог – 2022» җумһурийәтлик конкурсида ғалип чиққан 64 педагогни мукапатлиди. Конкурста ғалип чиққан педагогларниң һәрбири 3 миллион тәңгидин мукапат пулини алди.
Асхат Аймағамбетов кәсипдашлирини ғалибийәт билән тәбриклиди, уларға кәспигә садиқ болуп, маарип системисини тәрәққий әткүзүшкә һәссә қошуватқанлиғи үчүн миннәтдарлиқ билдүрди вә әң алийҗанап кәспидә йеңи утуқ-муваппәқийәт тилиди. Министр шундақла келәр жили муәллимләр иш һәққиниң өсидиғанлиғи тоғрилиқ ейтип бәрди. 
 Идарә рәһбири Президент Қасым-Жомарт Тоқаевниң муәллимләргә чоң диққәт бөлүватқанлиғини тәкитлиди. Дөләт рәһбириниң уттур тапшурмиси бойичә һәр жили тәрбийичиләр, муәллимләр, колледжлар оқутқучилириниң иш һәққи ашурулуватиду. Шундақла қанун педагогларни илгири адәттики һадисигә айланған уларға мунасип әмәс қошумчә ишлардин азат қилди. 
– 2023-жилниң январь ейидин тартип тәрбийичиләр билән муәллимләрниң иш һәққи йәнә 25 пайиз көпийиду. Һазир кәсипдашларниң көпчилиги һәптисигә илгәркидәк алтә әмәс, бәлки бәш күн ишләватиду. Стажи 25 жилдин ашидиған кәсипдашлар мәхсус медаль билән тәғдирлиниду, – деди Асхат Аймағамбетов тәбрик сөзидә. 
Мәлумки, бийил конкурсқа барлиғи болуп 5,5 миң муәллим қатнашти. Наһийәлик, шәһәрлик вә вилайәтлик басқучларниң йәкүни бойичә, җумһурийәтлик конкурста «Әң яхши педагог – 2022» унвани үчүн 123 муәллим күч синашти. 
 

394 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы