- Әхбаратлар еқими
- 07 Желтоқсан, 2022
Мәтбәәчиләр тәҗрибә алмаштурди
Йеқинда Қазақстан мәтбәәчилириниң вәкиллири музакириләрни жүргүзүш вә тәҗрибә алмаштуруш үчүн Грузиягә кәлди.
Сәпәр давамида қазақстанлиқ меһманлар Грузия билим министрлигиниң билим бериш мәһкимилирини рәқәмләштүрүш вә техникилиқ җәһәттин тәминләш мәркәзлириниң вә башқиму тәшкилатларниң мутәхәссислири билән учришишларни өткүзди.
Тәкитләш керәкки, бүгүн Қазақстанда рәқәмләштүрүш программиси җошқун жүргүзүлмәктә. Униң үстигә билим бериш җәрияни алаһидә әһмийәткә егә саһаларниң бири болуп һесаплиниду.
Қазақстан мутәхәссислири Шәрқий-Җәнубий Азия вә Европа әллириниң билим бериш саһасини рәқәмләштүрүш тәҗрибисини тәпсилий үгәнмәктә. Қазақстанда ToplQKZ рәқәмлик билим бериш платформисини қоллиниш – муваппәқийәтлик нәтиҗиләрниң бири. “Алматы Кітап Баспасы” нәшрияти Европиниң экспертлар топи билән бирликтә мәзкүр заманивий билим бериш системисини ишләп чиқти вә уни җарий қилди.
ToplQKZ мәктәп оқуғучисиниң толуқ рәқәмлик дәрислигидур. Мошуниң өзидә униңға оқуп үгиниливатқан модульларниң әҗайип мультимедиялик файллири киргүзүлгән. Мәзкүр йөнилиш материалниң сүпитини яхшилапла қоймай, уни балиларниң йеник өзләштүрүшигә имканийәт яритиду. Шуниң билән бир вақитта “рәқәмлик китап” йөнилиши мәктәп оқуғучилириниң сумкилирини йеникләштүрүш проблемисини автоматик түрдә йешиду.
Мәлумки, кейинки вақитта мошу мәсилә тоғрилиқ нурғун гәп болуп келиватиду. Һазирқи күнгә қәдәр ToplQKZ платформисиниң ярдими арқилиқ 1 – 4-синип оқуғучилириниң материаллири толуқ рәқәмләштүрүлди. Әнди 2023-жилниң ахириға қәдәр мәзкүр платформида оттура мәктәпниң барлиқ дәрисликлири рәқәмләштүрүлиду.
Бир сөз билән ейтқанда, Қазақстан мәзкүр мәсилидә алдинқи қатарда келиватиду дәп ишәшлик ейтишқа болиду. Чүнки җәмийәтни рәқәмләштүрүшкә тәйярлаш нәқ мәктәптин башлинидиғанлиғи һеч ким үчүн сир болмиса керәк.
455 рет
көрсетілді0
пікір