• Әхбаратлар еқими
  • 07 Желтоқсан, 2022

«Қизи батур әл – улуқ әл!»

Мәлумки, 14 — 23-октябрь күнлири Түркиядә армрестлинг бойичә дуния чемпионати өтүп, униңға аләмниң 54 мәмликитидин 1700дин ошуқ спортчи қатнашти. Мәзкүр чемпионатта Қазақстан талланма командиси 68 алтун, 66 күмүч, 36 бронза медаль билән умумий командилиқ һесапта биринчи орунни егилиди. Йәни дуния чемпионатиға Қазақстанниң шәнини қоғдаш үчүн барған 200 спортчиниң 170и олҗилиқ қайтти. Уларниң қатарида уйғур қизи – Тахмина Ғоҗамбәрдиеваму бар.

Сабирәм ӘНВӘРОВА, 
«Уйғур авази»

Тахминаниң утуғини аңлап, пүткүл Уйғур наһийәсиниң җамаәтчилиги тәврәп кәтти. Болупму, таштиқарисулиқларниң хошаллиғи қин-қиниға пайтмай, бирдин чемпион жутдишини күтүвелишниң тәрәддутиға көчти. Таштиқарису яшлири тәшәббус көтирип, жут чоңлири билән мәслиһәтлишип, дағдуғилиқ түрдә Тахминани күтүвелиш мәрасимини уюштурди. Көптин күткән күн келип, йәттә яштин йәтмиш яшқичә болған таштиқарисулуқлар жуттики мәркизий мәйданға жиғилип, алий еһтирам билән чемпион қизини қарши алди. Тахмина машинидин чүшишигә қоли қучақ-қучақ гүлдәстиләргә толди. Андин тойниң ипадиси болған чачқа чечилип, ахири нахша-уссулға улашти. Көк байриғимизни көккә көтәргән Тахминаниң хошаллиқтин беши көккә йәтти. 
Қучақ йейип қарши алған жутдашлири билән көрүшүп, сеғинишини басқан Тахминани мәктәп һойлисидиму тәнтәнилик рәвиштә күтүвалди. Мәктәпниң сиртқи ишигидин ички ишигигичә көк әләмчиләрни қолиға тутуп, қатар тизилған оқуғучилар чемпион һәдисигә һәвәс билән қарашти. Мәктәп алдида Тахмина үчүн тәйярланған флешмобни тамашә қилғандин кейин, һәммә муқәддәс билим дәргаһиниң босуғисидин атлап, мәктәп фойесида уюштурулған көргәзмини зиярәт қилди. Мәктәп мудири Бейбит Атагелдиев кәлгән меһманларға мәктәпниң спорт саһаси бойичә йәткән утуқлири билән келәчигидин зор үмүт күткүзүватқан яш спортчилирини тонуштурди. 
Андин көпчилик мәҗлисләр залиға қәдәм тәшрип қилип, «Қизи батур әл – улуқ әл» намлиқ мәрасимға қатнашти. Тахмина вә униң қериндашлири сәһнә төридин орун алди. 
Чарә-тәдбирниң башлинишида Таштиқарису оттура мәктивиниң педагог-уюштурғучиси Гөзәл Турсунова чемпионимизниң спорт саһасида қол йәткүзгән утуқлири тоғрилиқ әтраплиқ ейтип өтти. 

405 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы