- Йеңилиқлар
- 10 Ақпан, 2012
Һәҗ һөҗҗәтлирини рәсмийләштүрүш башланди
Диний ишлар бойичә агентлиққа дипломатик каналлар арқилиқ Сәүдия Әрәпстанидики әлчиханидин қазақстанлиқларниң Мәккигә һәҗ сәпирини әмәлгә ашуруши үчүн виза бериш қаидилири тоғрилиқ хәвәр келип чүшти.
Дипломатик миссия өз нотисида «Һәҗ» вә «Өмрә» визилирини рәсмийләштүрүш әлчиханиниң консул бөлүми тәрипидин мошу жили 7-февральдин 3-августқичә һәқсиз әмәлгә ашурулидиғанлиғини тәкитләйду. Виза елиш үчүн паспорт тәләп қилиниду. Медицинилиқ ениқлима билән вакцинилаштурулғанлиғи тоғрилиқ ениқлиминиң болуши асасий тәләпләрниң бири болуп һесаплиниду. Униңдин ташқири берип-келиш авиабилетлириниңму болуши шәрт.
2012-жилқи һәҗ сәпиридә туғулғанлиғи вә некаси тоғрилиқ гуванамиларни тәрҗимә қилиш һәм қанунлаштуруш тоғрилиқ тәләп күчидин қалдурулди. Бу һөҗҗәтләрниң әсли нусхиси тәвсийә қилиниду. Шуни қошумчә қилиш керәкки, буниңда мечитлар тәрипидин берилгән нека гуванамиси етирап қилинмайду.
Визиларни рәсмийләштүрүшни Сәүдия Әрәпстани Корольлуғида аккредитациядин өткән туристик фирмилар әмәлгә ашуриду.
700 рет
көрсетілді0
пікір