- Хәйрихаһлиқ
- 13 Сәуір, 2023
100 аилигә иптарлиқ тарқитилди
Гөһәрбүви ИСМАЙИЛҖАНОВА
«Уйғур авази»
Жилдики әнъәнә бойичә Панфилов наһийәлик Уйғур этномәдәнийәт мәркизи йенидики Ханим-қизлар кеңишиниң рәиси Маһинур Аюпова рәһбәрлигидики бир топ анилар билән ханим-қизлар тәвәдики житим-йесирлар, баққучисидин айрилған вә яшанған йүз аилигә иптарлиқ ғоҗунини тарқатти.
– Әслидә «оң қолуң бәргәнни, сол қолуң билмисун» дәйдекән. Амма бизниң мәхситимиз – намимизни чиқириши әмәс. Инақлиғимизни, өмлүгимизни намайиш қилиштин ибарәт. Хасийәтлик Роза-рамзан ейида йоқсулларниң көңлини елиш нийитидә жиғиливатимиз. Роза-рамзандин йәнә бир Розиғичә аман болайли. Һәрқандақ ишта еғизбирликтә болуп, тапқинимизниң мәлум қисмини муһтаҗларға беришни унтумайли. Бизни қоллап-қувәтләватқан, һамийлиқ қилған анилар билән ханимларға апирин ейтиштин башқа сөзүм йоқ, – деди Маһинур Садиққизи.
Шуниңдин кейин ханим-қизлар һәрқайсиси өз мәһәллисидики муһтаҗ аилиләргә иптарлиқ ғоҗунини тарқитиш үчүн йолға чиқти.
Турсунмәһәмәт МӘШҮРОВ чүшәргән сүрәт.
Панфилов наһийәси.
5383 рет
көрсетілді0
пікір