• Мәшъәл
  • 20 Сәуір, 2023

Яш композиторниң утуқлири

Алим Зайиров қазақстанлиқ вә чәтәллик кинорежиссерлар арисида наһайити аммибап һәм еһтияҗға егә болуватқан композитор. Мәсилән, өткән жили Алим музыкисини язған сәккиз кинофильм прокатқа чиқти. 
Алим Зайиров музыкантлар аилисидә дунияға кәлгән екән. Шуңлашқа кәсип таллаш униңға анчә қийин болмиди. Мәктәпни тамамлиғандин кейин у Жүргенов намидики Қазақ миллий сәнъәт академиясидә джаз фортепианиси синипида билим алиду. Оқуп жүргән пәйтлиридила музыка иҗат қилишқа башлайду. Мошу вақитқичә Алим Зайировниң «Renovazzio» (2014), «Now» (2017) альбомлири йоруқ көрди. Уларниң чиқиши яш талант егисиниң аммибаплиғини техиму ашурди. 
Кейинирәк Алим йәнә бир қиридин, йәни кинокомпозитор сүпитидә көрүнүшкә башлиди. 2013-жили америкилиқ режиссер Сарик Андреасян униңға өзиниң «Ограбление по-американски» намлиқ фильмиға музыка йезип беришини тәклип қилиду. Яш композитор бу вәзипиниң һөддисидин  мувапәққийәтлик чиқиду. Шуниңдин кейин Алимға қазақстанлиқ режиссерлардин биллә ишләш һәққидә тәклип чүшүшкә  башлайду. 2015-жили Ж.Пошановниң «Шлагбаум» фильмиға йезилған музыкиси «Выбор кинокритиков Казахстана» мукапитиниң «Лучшая музыка к фильму» номинацияси бойичә мәхсус мукапитини йеңивалиду. 
Андин Алим Зайиров «Она» (2016), «Районы» (2016), «Дорога к матери» (2016), «Путь лидера. Астана» (2018), «Бизнесмены» (2018) охшаш фильмларға музыка язди. 
 Алимниң ейтишичә, кинофильмға музыка йезишниң өз алаһидиликлири бар екән. Әң муһими, композитор режиссерниң мәхситини яхши һис қилиши лазим. Шундақла аһаң фильмниң сюжети вә композициясигә қарап йезилиду.
 Әлвәттә, композитор пәқәт киноғила музыка йезиш билән чәклинип қалмайду. У MEZZO топиға, Батырхан Шукеновқа вә россиялик нахшичи Ирина Хаитқа музыка йезип бәрди. 

Камилла ҺОШУРОВА, 
Doppalife сайтиниң муһәррири.
 

193 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы