• Асасий мақалилар
• 27 Сәуір, 2023

Президент ҚХА Рәисиниң орунбасарлирини қобул қилди

Сешәнбә күни Қасым-Жомарт Тоқаев Қазақстан хәлқи Ассамблеяси Рәисиниң йеңидин тайинланған орунбасарлири Акбаржан Исмаилов вә Аурика Дякни тәбрикләп, уларниң мол тәҗрибиси йеңи җавапкәр ишни атқурушқа тәсир қилидиғанлиғиға ишәнчә билдүрди.
Дөләт рәһбиригә ҚХА Рәисиниң орунбасари – Кативатиниң рәһбири Марат Әзилханов Ассамблеяниң ХХХІІ сессиясигә тәйярлиқ җәрияни тоғрилиқ һесават бәрди.
 Қ.Тоқаев бирлик билән турақлиқлиқ җәмийәт һаятиниң барлиқ саһасида әмәлгә ашурулуватқан комплекслиқ ислаһатларни утуқлуқ болушиниң асасий шәрти екәнлигини тәкитлиди. Президентниң пикричә, Ассамблея бу вәзипини әмәлгә ашурушқа алаһидә роль атқуриду. 
 Президент барлиқ этникилиқ топ вәкиллири арисида өзара мунасивәтләрни күчәйтиш вә Қазақстан хәлқини буниңдин кейинму җипсилаштуруш үчүн йеңи услублар һәм ениқ қәдәмләрниң муһимлиғиға диққәт бөлди.
Дөләт рәһбири ҚХА паалийитиниң муһим йөнилишлирини тәкитләп өтти. Шундақла Ассамблеяниң сессиясидә идеологиялик вә әмәлий сүпәттики бирқатар муһим мәсилиләрниң көтирилидиғанлиғини ейтти.