• Әхбаратлар еқими
  • 25 Мамыр, 2023

Европа иттипақи билән һәмкарлиқ давамлишиду

Алмутида өткән “Европа иттипақи вә Мәркизий Азия” иккинчи ихтисадий форум даирисидә Премьер-министр Әлихан Смайылов билән Европилиқ комиссияниң иҗраий вице-президенти Валдис Домбровскис Қазақстан вә Европа иттипақи оттурисидики һәмкарлиқ тәрәққиятиниң келәчигини муһакимә қилди.
 Әлихан Смайыловниң ейтишичә, Евроиттипақ – Қазақстанниң сода-сетиқ саһасидики әң чоң вә әһмийәтлик шериклириниң бири, елимизниң ташқи содисиниң тәхминән 30 пайизи Евроиттипаққа тәәллуқ. Мәсилән, өткән жили товар айнилиминиң өсүми 38 пайиздин ешип, тәхминән 40 миллиард доллар болди. Бийил бу көрсәткүч сүръәтлик өсүватиду: 3 айда сода көләми 12,5 пайизға өсүп, 10 миллиард долларға йәтти. Бу йәрдә Қазақстан Европиға умумий хуни 2,3 миллиард доллар болидиған 175 товар позицияси бойичә экспортни ашурушқа тәйяр. 
“Биз Европа иттипақи билән һәмкарлиқниң сүпитини ашурушқа әвзәлликләрни беримиз вә Қазақстан билән Европа арисидики ишәнчә вә һөрмәткә асасланған өзара һәрикәтләрни күчәйтишкә мәнпийәтдармиз”, деди Премьер-министр.
 Шуниң билән биллә Һөкүмәт рәһбири Қазақстан билән Евроиттипақ арисидики инвестициялик һәмкарлиқниң йеңи дәриҗигә көтириливатқанлиғини тәкитлиди. Өткән жили Евроиттипақтин Қазақстан ихтисадиға җәлип қилинған беваситә инвестицияләр көләми тәхминән 23 пайизға өсүп, 12,5 миллиард долларға йәтти, бу ахирқи 10 жилдики рекордлуқ көрсәткүч.
“Биз инвестициялик һәмкарлиқни буниңдин кейинму кәңәйтиш үчүн барлиқ имканийәтләрни ишқа қошушқа мәнпийәтдар”, деди Әлихан Смайылов.
Өз тәрипидин Валдис Домбровскис Евроиттипақ билән Қазақстан арисидики мунасивәтләрниң сүръәтлик тәрәққий етиватқанлиғини, униңға кәңәйтилгән шериклик вә һәмкарлиқ тоғрилиқ келишим вә хам әшия, аккумуляторлиқ батареялар вә йеңиланған водородниң турақлиқ баһа кәштиси бойичә меморандумниң тәсир қилғанлиғини тәкитлиди.
“Шуниң билән биллә Мәркизий Азия билән Мәркизий Азия әллири арисидики жүк тошушниң йеңи йоллирини вә имканийәтлирини тәрәққий әткүзүшкә мәнпийәтдар. Униң үчүн инвесторларни региондики лайиһиләргә җәлип қилиш лазим, бу жүк тошуш пәйтидә тосалғуларни йоқ қилишқа вә инфрақурулумни тәрәққий әткүзүшкә тәсир қилиду”, деди Валдис Домбравскис.
Учришиш йәкүнлири бойичә Хам әшия, аккумуляторлуқ батареялар вә водородниң турақлиқ баһаси кәштиси саһасидики стратегиялик һәмкарлиқ тоғрилиқ Қазақстан билән Европа иттипақи арисидики өзара чүшәнчә тоғрилиқ имзаланған меморандумни әмәлгә ашуруш бойичә йол хәритисини бәкитиш рәсмийити өтти.
 Мәлумки, мошу меморандумға өткән жили БМТниң климатниң өзгириши бойичә “СОР-27” конференциясидә Қазақстан Премьер-министри Әлихан Смайылов билән Европилиқ комиссияниң президенти Урсула фон дер Ляйен қол қойған еди.
Шуниң билән биллә Қазақстанда 9 миллион евро көләмидики лайиһиләрни әмәлгә ашурушни мәхсәт қилидиған “Қазақстан – Европа иттипақи һәмкарлиғи тоғрилиқ” малийә шәртнамиси имзаланди.
 Учришиш йәкүнлири бойичә Әлихан Смайылов билән Валдис Домбравскис аммивий әхбарат васитилири үчүн билдүрүш елан қилди.

332 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы