• Асасий мақалилар
  • 25 Мамыр, 2023

Һәмкарлиқниң йеңи дәври

Президент Қасым-Жомарт Тоқаев Қазақстанға дөләт сәпири билән кәлгән Сингапур Президенти Халима Якоб билән музакириләр жүргүзди.
Музакириләр алдида “Ақорда” резиденциясидә тәнтәнилик қарши елиш рәсмийити өтти. 
Тәрәпләр Қазақстан билән Сингапур арисидики сәясий диалогни күчәйтиш, сода-ихтисадий һәмкарлиқни кәңәйтиш вә мәдәний-гуманитарлиқ алақиларни риваҗландуруш алаһидә әһмийәт берип, икки әл мунасивәтлириниң һазирқи әһвали вә истиқбалини һәртәрәплимә муһакимә қилди.
Қасым-Жомарт Тоқаев Халима Якобқа һөрмәт көрситип, мошундақ җиддий бир пәйттә униң Сингапурни башқуруштики паалийитигә алий баһа бәрди.
— Сингапур Президентиниң Мәркизий Азия әллири арисида дәсләп Қазақстанға келиши – биз үчүн чоң мәртивә. Сизниң Қазақстанға сәпириңиз – тарихий вақиә. Бу сәпәрниң өзара нәтиҗидар һәмкарлиқниң йеңи дәвригә йол ачидиғанлиғиға ишәнчим камил. Қазақстан Сингапур билән мунасивәтләрни риваҗландурушқа мәнпийәтдар, — деди Дөләт рәһбири.
Бийил март ейида икки әл арисидики дипломатиялик алақиларниң орниғиниға 30 жил толди. Президент мошу басқучта мәмликәтләр арисида өзара ишәнчигә асасланған сәясий диалог билән паал парламентларара мунасивәтләрниң қелиплашқанлиғини ейтти.
Қазақстан билән Сингапур мунасивәтлиридә сода-ихтисадий вә инвестициялик һәмкарлиқ алаһидә орун егиләйду. Дөләт рәһбири һазир елимиздә 140тин ошуқ сингапурлиқ ширкәтләр вә бирләшкән карханилар ишләватқанлиғини қәйт қилди.
— Сингапурниң Қазақстан ихтисадиға салған инвестициясиниң умумий көләми 1,4 доллардин ашти. Ихтисадий қийинчилиқлар вә пандемиягә қаримастин булту өзара сода-сетиқ көләми 2 миллиард долларға йеқинлашти. Бу яхши көрсәткүч дәп ойлаймән, — деди Қасым-Жомарт Тоқаев.
 Дөләт рәһбәрлири экспорт имканийәтлирини кәңәйтиш, елимиз территориясидә бирләшкән карханилар ечиш мәсилиси бойичә пикир алмаштурулди. Алмута әтрапидики “G4City” агломерациясиниң қурулушиға мунасивәтлик бирләшкән инвестициялик лайиһини әмәлгә ешиш җәрияни, малийә институтлири арисидики һәмкарлиқни кәңәйтиш мәсилилири муһакимә қилинди.
 Шуниң билән биллә президентлар Транскаспий хәлиқара транспорт дәлизи билән “Бир йол – бир бәлбағ” тәшәббусини бир-бири билән уйғунлаштуруш, шундақла дөләтләр арисидики уттур һава қатнишини ечиш бойичә өзара нәтиҗидар һәмкарлиқ истиқбаллири муһакимә қилинди.
 Униңдин ташқири, сөһбәт давамида хәлиқара күн тәртивидики муһим мәсилиләр, шуниң ичидә Қазақстан билән Сингапурниң һәртәрәплимә қурулумлар даирисидики алақилири муһакимә қилинди.
 Шуниңдин кейин дөләт рәһбәрлириниң қатнишиши билән икки әлниң рәсмий делегация әзалири бирқатар муһим һөҗҗәтләрни имзалиди. Уларниң арисида Қазақстан Җумһурийити билән Сингапур арисидики хизмәтләр содиси вә инвестицияләр тоғрилиқ келишим, Қазақстан Җумһурийитиниң һөкүмити билән Сингапур Җумһурийитиниң Һөкүмити арисидики Мәркизий Азия дөләт хадимлири үчүн салаһийәтни ашуруш программиси (C5) даирисидә һәмкарлиқ бойичә өзара чүшәнчә тоғрилиқ меморандум, “Астана” хәлиқара малийә мәркизи билән “Enterрrise Singapore” арисидики һәмкарлиқ келишим вә “QazTrade” сода сәяситини тәрәққий әткүзүш мәркизи” акционерлиқ җәмийити билән “Enterрrise Singapore” арисидики өзара чүшәнчә тоғрилиқ меморандум бар.
 Учришиш ахирида Дөләт рәһбири Қасым-Жомарт Тоқаев Сингапур Президенти Халима Якобни І дәриҗилик “Достық” ордени билән мукапатлиди.
 Мукапатлаш рәсмийитидә Дөләт рәһбири Сингапур Президентиниң иккитәрәплимә мнасивәтләрни күчәйтишкә вә тәрәққий әткүзүшкә қошқан төһписини қәйт қилди.

1218 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы