• Әхбаратлар еқими
  • 07 Қыркүйек, 2023

Регион тәрәққиятидики кәңдаирилик вәзипиләр

«Урбостиль» ҖЧЙниң мудири Любовь Нысанбаева Дөләт рәһбиригә вилайәт территорияси 2050-жилғичә 19 миң гектарға, хәлиқ сани 200 миң адәмгә йетиду дәп тәхмин қилиниватқанлиғини ейтти. Шәһәрни тәрәққий әткүзүш вә йеңи мәдәний-җәмийәтлик мәркәз селиш үчүн «Жаңа – Іле» мәйдани таллавелинди. У йәрдә иҗтимаий-мәиший, мәдәний, турушлуқ өй, билим бериш рекрациялик объектларни селиш мәхсәт қилинмақта. Система қурғучи кластерларда вә карханиларда 20 миңдин ошуқ иш орнини ечиш планланған. Бу 30 миңдин ошуқ адәмни иш билән тәминләйдиған нурғунлиған кичик вә оттура тиҗарәт субъектлириниң пәйда болушиға имканийәт яритиду. 
 Униңдин ташқири Алмута вилайитиниң һакими Марат Султанғазиев Президентқа җәмийәтлик қирғақ бойини аватлаштуруш лайиһисини тонуштурди. Һаким регионни рәқәмләштүрүш мәсилисигә алаһидә диққәт бөлди. Дөләт рәһбиригә 67 иҗтимаий объектни жуқури илдамлиқ билән ишләйдиған интернетқа қошуш лайиһисиниң әмәлгә ашурулуши, шундақла 5G буниңдин кейинму әмәлгә ашуруш үчүн узунлуғи 104 километр талчиқ-оптикилиқ алақә системисиниң селиш бойичә әхбарат берилди. 
Шәһәрдики җәмийәтлик бехәтәрликни дайим мониторинг қилиш мәхситидә, 412 видеоназарәт камериси орнитиливатиду. Алмута вилайитиниң мәктәплиридә бехәтәрликниң интеграцияләнгән системисини қуруш мәзкүр тәшәббусларни әһмийәтлик қисими болуп һесаплиниду. Лайиһә даирисидә вилайәтниң 125 мәктивигә оператив башқуруш мәркизигә қошулған 4 камера орнитилди. 
 Дөләт рәһбири Алмута вилайитигә иш бабидики сәпири давамида помидор билән көчәт өстүрүшкә ихтисаслаштурулған «Lst Agro» ҖЧЙниң теплица комплексини арилап чиқти. Униң умумий территорияси 7 гектар. Бу йәрдә жилиға 3 650 тонна помидор өстүрүлиду. Комплексқа 5,2 миллиард тәңгә көләмидә инвестиция җәлип қилинған. Дөләтлик қоллаш чарилири «Даму» фонди арқилиқ көрситилди. Президентқа карханида тамчилитип суғириш, туманлаштуруш вә кислород газини қайта ишләш системилириниң ишләйдиғанлиғи тоғрилиқ мәлумат берилди.
Комплексни арилап көргән Дөләт рәһбири чиқириливатқан мәһсулат түрлири билән тонушуп, йеңи иш орунлирини ечиш вә озуқ-түлүк бехәтәрлигини сақлаш үчүн мошундақ инвестициялик лайиһиләрни әмәлгә ашурушниң муһимлиғини тәкитлиди.
 Президент шуниңдин кейин йеза егилиги мәһсулатлирини вә қурулуш материаллирини ишләп чиқарғучилар көргәзмисигә кәлди. Көргәзмигә аграрлиқ саһа бойичә гөш, қуш, сүт вә белиқ мәһсулатлирини қайта ишләйдиған карха­ниларниң, шундақла ичимлик сок, көктат ишләп чиқиридиған мәһсулатлири қоюлған. Шуниң билән биллә Президентқа қурулуш материаллириниң көплигән түри көрситилди. Қазақстанда санаәт вә гражданлиқ объектлар қурулушиниң толуқ циклини тәминләйдиған товарлар чиқирилиду. Дөләт рәһбири қурулуш саһасиниң әһвали тоғрилиқ ейтип, мәзкүр саһани ихтисатниң тәрәққий әткүзүшниң һәрикәтләндүргүчи күчи екәнлигини тәкитлиди.
Президент Алмута вилайитигә сәпири давамида олимпиадилиқ тәйярлиқ мәркизи қурулушиниң җәрияни билән тонушти. Туризм вә спорт министри Ермек Маржиқпаев һазир атлетикилиқ манеж, муз арениси, көпфункционаллиқ спорт зал, бәдиий вә спорт гимнастика зали, мәмурийәт бенаси вә меһманхана қурулушлириниң аяқлишип қалғанлиғини ейтти. Президент МДҺдики әң чоң спорт комплекслириниң бири һесаплинидиған инфрақурулумни арилап чиқти. Хәлиқара стандартларға мувапиқ селинған бу объект 2300 спортчиға молҗаланған.
Униңдин кейин Қасым-Жомарт Тоқаев Сулеймен Демирел намидики университетқа барди. Президент алий оқуш орниниң билим бериш вә илмий тәтқиқат ишлири вә университетни буниңдин кейин тәрәққий әткүзүш стратегияси билән тонушти. Дөләт рәһбири яш оқутқучилар, алимлар, студентлар билән сөһбәт җәриянида билим бериш системисиға илғар услублирини киргүзүшниң муһим екәнлигини қәйт қилди.

796 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы