• Әхбаратлар еқими
  • 16 Қыркүйек, 2023

Җәмийәт қоллиши лазим

Дөләт рәһбири Қасым-Жомарт Тоқаев Парламент палатилириниң бирләшкән мәҗлисидә мәмликитимиз тәрәққиятиниң «йол хәритисини» ениқлап бәрди. Дөләттики өзгиришләрни тәһлил қилип олтарған сағлам пикирлик һәрқандақ инсан бу пәқәт келәчәктики тәрәққиятимизла әмәс, бәлки бу тәшәббусларни җәмийәт қоллиса әмәлгә ашидиғанлиғини яхши чүшиниду. Президент алдимизға узақ муддәтлик онжиллиқларға созулуп кетидиған утопиялик мәхсәтләргә қариғанда 2-3 жилда әмәлгә ашурушқа болидиған, қолумиздин келидиған ениқ вәзипиләрни қойди. Дуниядики һазирқидәк җиддий әһвалда вә өзгирип туруватқан геосәясий шараитта мәмликәтниң келәчиги пәқәт ихтисадий мустәқилликтә екәнлигигә алаһидә диққәт бөлүватиду. Шуниң ичидә өткән тарихни рәнҗиш билән әслигәнгә қариғанда, санаәтни җиддий қолға елип, өзимизни өзимиз тәминлишимиз керәк. Келәчәккә қәриз болмас үчүн бүгүнки пәриз мошу! 
 Дөләт рәһбири шундақла Менделеев таблицисиниң һәммә элементлири бар дәп махтинип жүрмәй, барни охшитип, уран, металл, нефть вә газни қайта ишлисәкла, Қазақстанниң ихтисадий мустәқиллигини мустәһкәмләйдиғанлиғимизни алаһидә қәйт қилди. Кичик вә оттура тиҗарәтни қанун җәһәттин имканқәдәр қоллап, уларниң келәчәктә чоң ширкәтләргә айлинишиға шараит яритилса, һәммини егилигән олигополиягә, һәммә тәрәптин қисим көрситиватқан монополиягә тосалғу болидиғини ениқ. Санаәтниң асаси пәқәт хам әшия билән адәмла әмәс, шундақла электр қувити екәнлиги сөзсиз. Шуңлашқа җәмийәттә һазир электр мәнбәлири тоғрилиқ пикир көп. Җүмлидин, АЭС селиш тәшәббуси пәқәт умумхәлиқ референдуми арқилиқ һәл қилиш бойичә Дөләт рәһбириниң тәкливиниң әһмийитиму жуқури. Бу йөнилиштә тәтқиқ қилидиған, тәһлил қилидиған ишлар нурғун. 
 Дуния һазир технологияләр билән сүръәтлик тәрәққий етиватиду. Қазақстан һазир тез һәрикәт қилмиса көчтин қелиши, һәтта чоң имканийәтләрдин айрилиши еһтимал. Елимизни әхбаратлиқ технологияләр мәркизигә айландуруп, дунияниң күчлүк мәмликәтлиридин болушқа Қазақстанниң имканийәтлири зор. Креатив индустрияни тәрәққий әткүзүп, интеллектуалларни қоллашни күчәйтиш бойичә Қасым-Жомарт Тоқаев алаһидә тохталди. Һәрқандақ прогрессниң бешида алаһидә қабилийәтлик, креатив шәхсләрниң туридиғанлиғи сөзсиз. Бизниң елимиздиму өткүр ойлуқ, қабилийәтлик шәхсләрниң көп екәнлиги ениқ. Қазақстанлиқ брендни шәкилләндүридиған шулар болиду. 
Әнди Қазақстанниң геосәясий, географиялик орунлишишиниң өзи чоң киримләрниң мәнбәси. Мәмликәтниң логистикилиқ имканийитини толуқ пайдилинишимиз керәк. Транскаспий, «Шимал-Жәнуп» транзитлиқ иқтидаримиз – Россия, Хитай, Мәркизий Азия әллири алдидики артуқчилиғимиз. Мәхсус қурулған Транспорт министрлиги Евразиядики әһмийәтлик транспорт-логистикилиқ хабқа айлиниши үчүн ишлиши лазим. 
 Геосәясий әһвалға мувапиқ йеңи ховуп-хәтәрләргә маслишип, нәтиҗидар услубларни тепипла қоймай, шуниң билән биллә мошу җәриянни үнүмлүк пайдилиниш үчүн елимизниң транспорт вә төмүрйол инфрақурулумини дәрһал ислаһатлаш вәзиписи туриду. Заманивий көрүкләр, йоллар селиш арқилиқ мәмликәт ихтисадиға қан жүгәртишкә болиду. Әпсус, елимизниң көплигән регионлирида һаят тохтап қалғандәк. Буниңға биз депутатлиқ тәтил пәйтидә 5,5 миң километр мусапини йолсиз йәр билән меңип, үч вилайәтни арилиғанда көз йәткүздуқ. Һакимийәттин билим вә адаләтликни күткән аддий хәлиқниң тилигиму мошу Мәктүптә өз әксини тапти. Униң орунлиниши, әлвәттә, һакимийәтниң үч тармиғи вә төртинчи һакимийәт, аммивий әхбарат васитилиригиму бағлиқ.
 
Бибигүл ЖЕКСЕНБАЙ, 
Қазақстан Җумһурийити Парламенти 
Сенатиниң депутати

241 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы