• Спорт
• 15 Мамыр, 2024

Таиландта топ ярди

8 — 12-баһар күнлири арилиғида Таиландниң Паттайя шәһиридә пара пауэрлифтингтин аләм кубоги өтүп, униңға дунияниң 33 дөлитидин 157 спортчи қатнашти. 

Сабирәм ӘНВӘРОВА, 
«Uiğur avazi»

Мәзкүр мусабиқидә елимизниң шәнини қоғдиған спортчиларниң қатарида жутдашлиримиз Раушан Қойшыбаева билән Рәхмәтҗан Һәмәев болди. Һәр қетимқидәк, жутдашларға ақ йол тиләп, чоңқур тәсират илкидә Таиландтин хуш хәвәр күткән хәлиқ оюнни «онлайн» тамашә қилди. 
 Әлниң үмүти ақланди! Елимизниң пәхригә айланған спортчилиримиз Таиландтиму топ ярди. Җүмлидин Раушан Қойшыбаева І орунға еришип, алтун медальға егә болса, Рәхмәтҗан Хамаев ІІ орундин көрүнүп, күмүч медальға сазавәр болди. Йүз әлликтин ошуқ спортчиниң ичидин пәқәт жүгрүкләрниң ғалибийәткә йетидиғини ениқ. Көпниң ичидин топ йерип, байриғимизни көктә йәлпүлдәткән жутдашлиримизни, шундақла уларниң мәшиқләндүргүчилири Р.Шахаров билән Д.Орловни йеңи утуғи билән тәбрикләймиз! Бу уларниң биринчи ғәлибиси әмәс. Ишинимизки, ахирқиси болуп қалмайду.

Алмута вилайити, 
Уйғур наһийәси