- Әхбаратлар еқими
- 04 Шілде, 2024
ХХҖ рәисини тәнтәнилик рәвиштә күтүвалди

Қазақстанға дөләт сәпири билән кәлгән Хитай Хәлиқ Җумһурийитиниң Рәиси Си Цзиньпинни «Ақорда» резиденциясидә қарши елиш тәнтәниси өтти.
Дөләт рәһбири Қасым-Жомарт Тоқаев ХХҖ Рәиси Си Циньпинниң кортежини шәхсән өзи күтүвалди. Алий дәриҗилик меһманниң һөрмитигә Қазақстан Җумһурийити Һава мудапиә күчлириниң самолетлири Президент сарийиниң алдидин Хитай байриғи билән рәңдаш қизил, сериқ из қалдуруп, учуп өтти.
Шуниңдин кейин Қасым-Жомарт Тоқаев билән Си Цзиньпин бир-биригә рәсмий делегация әзалирини тонуштурди. Пәхрий күзәт рәһбири рапорт бәргәндин кейин икки мәмликәтниң гимни орунланди.
Президент алди билән өз тәкливини сәмимий қобул қилип, елимизгә дөләт сәпири билән қәдәм тәшрип қилған Си Цзиньпинға миннәтдарлиғини билдүрди.
Қасым-Жомарт Тоқаев барлиқ йөнилиш бойичә җошқун тәрәққий етип келиватқан қазақ-хитай һәмкарлиғиниң маһийитини жуқури баһалиди.
Өз новитидә, Си Цзиньпин қазақ йеридә һөрмәт көрсәткини үчүн Қазақстан Президентиға тәшәккүр изһар қилди.

3287 рет
көрсетілді0
пікір