- Әхбаратлар еқими
- 11 Шілде, 2024
Йеңи монета

2024-жили 9-чиллә күни Қазақстан Миллий Банки (ҚМБ) монета жиғишқа қизиқидиғанлар үчүн йеқимлиқ йеңилиғи билән бөлүшти. Қазақстан Миллий Банки «Ядимизда қалидиған вақиәләр билән ярқин шәхсләр» сериясидин QANYSH SÁ TBAEV. 125 JYL коллекциялик монетилирини чиқириду. Уларниң сетишқа қачан чиқирилидиғини тоғрилиқ әхбарат ҚМБ рәсмий сайтида қошумчә хәвәрләйду.
Қаныш Сәтбаев – геолог-алим, пән вә җәмийәт әрбаби, профессор, Қазақ ССР Пәнләр академиясиниң тунҗа президенти. Номинали 2 000 тәңгилик монетида марганец рудисиниң, минералниң түрини билдүридиған қоңур қизил түргә егә тантал үзиги бар. Бу чоң хаң орнини Қаныш Сәтбаев Жезди йезисиниң әтрапида тепип, өзләштүргән. Марганец Иккинчи дуния уруши пәйтидә броньлиқ техникиға беғишланған полат еритмилири санаитидә кәң түрдә қоллинилип, Кеңәш Иттипақиға марганец хеңиниң 70 пайизидин ошуғини берип турған. Монетиларниң барлиқ түри Қазақстан Җумһурийитиниң пүткүл регионида өзиниң бәлгүләнгән хуни билән төләминиң һәрқандақ түридә қобул қилинишқа, елимизниң барлиқ банкида банк чотлириға һесапқа елинишқа, авдурушқа пачилинишқа вә алмаштурулушқа ятиду. Биколорлиқ монетилар дөләт, рус вә инглиз тиллирида ҚМБ номерлиқ сүпәт сертификатлири бар соға болиғида чиқирилиду. Мельхиор қошмисидин тәйярланған монетилар блистерлиқ болақта чиқирилиду. Коллекциялик монетилар Қазақстан тәңгә сарийида тәйярланди.

751 рет
көрсетілді0
пікір