• Әхбаратлар еқими
• 01 Тамыз, 2024

24 миңдин ошуқ камера ишләватиду

Қазақстан Җумһурийитиниң Ички ишлар министри Ержан Сәденов Һөкүмәт мәҗлисидә йолда жүрүш қаидилиригә хилаплиқ қилиш фактлирини тиркәйдиған камериларни җәмийәтлик вә тез ярдәм көрситиш транспортлириға орнитиш мәсилисигә тохталди. 
Шәһәрләр кочилириға мошу хилдики 24 миңдин ошуқ камера орнитилған. Шундақла патруль полициясиниң автомобильлириму нәқ мошундақ васитиләр билән җабдуқланған.
«Бүгүнки күндә байқаш системилирини автобусларға, тез ярдәм көрситиш һәм дөләтлик автотранспорт васитилириға орнитиш мәсилиси муһакимидин өтүватиду. Елимиздә мошундақ системиларни ишләп чиқиридиған иш орунлириму ечилди. Шуңлашқиму һакимлиқлар мундақ қурулғуларни тез-арида сетивелиши шәрт», дәп тәкитлиди министр.
Ержан Сапарбекоғлиниң пикричә, мәзкүр башланма йолда жүрүш мәдәнийитини көтиришкә вә уни назарәткә елишқа имканийәт яритиду.