- Әхбаратлар еқими
- 01 Тамыз, 2024
23 миңдин ошуқ транспорт васитиси ярамсиз болуп чиққан

Қазақстан Җумһурийитиниң Транспорт министри Марат Қарабаев бийилқи техникилиқ байқашниң алдин-ала нәтиҗилирини елан қилди.
Үстимиздики жилниң алтә ейида 1 миллион 800 миң транспорт васитиси техникилиқ байқаштин өтти. Шуниң нәтиҗисидә 23 миңдин ошуқ транспорт васитиси техникилиқ җәһәттин ярамсиз дәп тепилған. Салаһийәтлик мутәхәссисләрниң пикричә, бу көрсәткүчниң буниңдинму жуқури болуши еһтималдин жирақ әмәс. Сәвәви, бүгүнки күндә бу мәсилини йошурун йоллар билән йешиватқанлар хелә бар көрүниду.
«Бу мәсилигә Парламент Сенати җиддий көңүл бөлүватиду. Күн тәртивидә қанун лайиһиси даирисидә ялған техникилиқ байқаш ишлириниң алдини елиш үчүн техникилиқ байқаш операторлириниң рухсәтнамилиридин айриш вә җәриман миқдарини 10 айлиқ һесап көрсәткүчидин 100 айлиқ һесап көрсәткүчигичә ашуруш қараштурулған», дәп хәвәрлиди министр Һөкүмәт мәҗлисидә.
Министрниң тәкитлишичә, бу чариләр техника васитилирини техникилиқ байқаштин өткүзүш пәйтидики қанунға хилаплиқ қилиш әһваллириниң алдини елишқа мүмкинчилик бериду. Рәсмий мәлуматларға ишәнсәк, Қазақстанда 950 техникилиқ байқаш операторлири паалийәт елип бариду.

814 рет
көрсетілді0
пікір