• Әхбаратлар еқими
• 01 Тамыз, 2024

Қанчә чәтәллик ишләйду?

1-чилләдики әһвал бойичә йәрлик иҗраий органлириниң рухсити билән Қазақстан территориясидә 14 049 чәт әл граждини ишләватиду, дәп хәвәрләйду Әмгәк министрлиги. 
Чәтәллик ишчи күчини җәлип қилишқа рухсәтләрниң арисида төвәндики хизмәтләр бар: рәһбәрләр билән уларниң орунбасарлири үчүн 576 рухсәт (биринчи дәриҗә), қурулумлуқ бөлүмчиләрниң рәһбәрлири үчүн 2 598 рухсәт (иккинчи дәриҗә), асасий бөлүги үчинчи (мутәхәссисләр) вә төртинчи (кәспий ишчилар) дәриҗиләргә ятиду – әксичә улар 5 353 вә 473 адәм.
Шуниң билән биллә мәвсүмлүк ишларға 1 899 адәм, әнди корпоративлиқ алмаштуруш даирисидә 3 150 адәм җәлип қилинди. 
Бүгүнки күндә Қазақстанда чәтәллик ишчи күчини пайдилинидиған 1 796 иш бәргүчи бар. Уларда 436,1 миңдин ошуқ Қазақстан граждини әмгәк қилиду, бу хадимларниң умумий саниниң 96,8 пайизи.
Ихтисадий хизмәт түрлири бойичә:әң көп әмгәк қилидиғанлар қурулуш саһасида – 4 397 адәм, йеза, орман вә белиқ егилиги – 1 897 адәм, һакимийәт вә ярдәмчи хизмәтләр – 1 592, тағ – кан санаити вә карьерларни қезиш – 1 293 адәм, қайта ишләш санаити – 1 252 адәм.
Әмгәк мигрантлири келидиған асасий мәмликәтләр: Хитай – 4 123 адәм, Өзбәкстан – 1 968 адәм, Түркия – 1 152 адәм, Һиндстан – 1 114 адәм.
Ички әмгәк нәриғини қоғдаш мәхситидә әмгәк вә хәлиқни иҗтимаий һимайә қилиш министрлиги һәр жили җумһурийәткә чәтәллик мутәхәссисләрни җәлип қилишқа квота бөлиду. 2024-жили умумий квота җумһурийәттики ишчи күчиниң саниға мунасивәтлик 0,23 пайиз яки 22 миң бирлик мөлчәридә бәлгүләнди.