• Әхбаратлар еқими
• 05 Ақпан, 2025

Интернет пайдиланғучилар диққитигә!

Өткән һәптидә Мәдәнийәт вә әхбарат министри Аида Балаева һазир Интернет кәңлигидә бирқатар муһим мәсилиләрниң муһакимә қилиниватқанлиғини тәкитлиди. Мониторинг көрсәткинидәк, онлайн-платформиларда көпирәк қанунға хилаплиқ қилидиған, аддий тил билән ейтқанда, һәқиқәткә уйғун кәлмәйдиған әхбарат нурғун тарқайдекән.
Аида Балаеваниң ейтишичә, мошуниңға мунасивәтлик торлардики ресурсларниң администраторлирини йеңилиқлар еқимини еһтиятчанлиқ билән назарәт қилип, ениқланмиған әхбаратниң тарқилишиға йол қоймаслиққа вә қанунға тоғра кәлмәйдиған контентларни йоқ қилишқа чақирди. 
«Иҗтимаий торларни пайди­ланғучилардин ойланмай һәрикәт қилмаслиқни, шундақла қанун тәләплиригә мувапиқ онлайн-платформиларни тохтитиш мүмкин болидиған язмилар билән пикирләр қалдурмаслиқни илтимас қилимән. Миллионлиған граждан йеңилиқларни онлайн-платформилардин алидиғанлиғини нәзәрдә тутуп, бизниң министрлик мәнъий қилиш чарилирини аз қоллинидиғанлиғини тәкитләйду. Амма, торлардики ресурсларниң администраторлириму өз һәрикәтлириниң ақивитини чүшинип, әхбарат тарқитишта биринчи новәттә оқурмән билән җәмийәт алдидики җавапкәрликни яхши һис қилиши лазим», — деди министр. 
 Статистика мәлуматлири бойичә, 2023-жилдин 2024-жиллар арилиғида Қазақстан Интернет сегментида ениқланған қанунға тоғра кәлмәйдиған контент көләми икки һәссә өсүп, 116 354 материалға йәткән. Әң көп тарқиған қанун бузушлар қатарида – терроризмни, диний экстремизмни вә наркотик васитилирини тәшвиқ қилиш, онлайн-казино вә малийә пирамидилирини реклама қилиш бар. Өткән жили онлайн-платформиларда 78 539 қанунға тоғра кәлмәйдиған материал ениқлинип, униң 24,3 пайизи йоқ қилинди.
 «Һәммимиз Дөләт рәһбири тәкитләп өткинидәк, һәқиқий һоқуқ дөлитини қелиплаштурушниң асасий ачқучи болуп һесаплинидиған қанун вә тәртип қаидисигә қәтъий риайә қилишимиз шәрт», — деди Аида Балаева.