• Әхбаратлар еқими
• 12 Ақпан, 2025

Күч қурулумлири хадимлирини мукапатлиди

Президент Қасым-Жомарт Тоқаев UAE SWAT Challenge мусабиқисидә ғалип чиққан күч қурулумлириниң бир топ офицерлирини мукапатлиди.
 Бийил Дубайда өткән мусабиқигә Қазақстан намидин 12 команда қатнашқан. Ички ишлар министрлигиниң «Суңқар» вә «Томирис» командилири хәлиқара мусабиқидә күмүч медаль йеңивалди. Миллий бехәтәрлик комитетиниң «Арыстан» командиси төртинчи орунға егә болди. Дөләт күзәт хизмити билән Мудапиә министрлигиниң командилириму маһарәтниң илғар үлгисини көрсәтти. 
 Дөләт рәһбири ғалипларни тәбрикләп, бу утуқ шиҗаәтлик әмгәкниң нәтиҗиси екәнлигини қәйт қилди.
— «Әл намини әр чиқирар» дегән сөз бар. Саһипқиран җәңчилиримиз көк туғимизни егиз асманда йәлпүлдәтти. Пүткүл дуния җәңгивар җәңчилиримизниң маһаритигә гува болди. Биз силәр билән махтинимиз. Мошундақ хошаллиқ дәқиқиләр пүткүл хәлқимизниң, болупму яш әвлатниң роһини көтириду. Әл қорғини күчлүк болса, Қазақстанниң абройи дайим жуқури болиду, — деди Президент.
 Қасым-Жомарт Тоқаев елимиз течлиғини күзитиватқан мәхсус хизмәтләр билән күч қурулумлириниң әмәлгә ашурған ишлириға тәпсилий тохтилип өтти.
Президент өз сөзини хуласиләп, офицерларниң хизмитигә утуқлар тилиди вә уларни дөләт мукапатлири билән тәғдирлиди.