• Әхбаратлар еқими
• 02 Қазан, 2025

Тәклипләр чүшмәктә

Қазақстанлиқлар елимиздики дәсләпки АЭСқа 20 миңдин ошуқ нам тәвсийә қилип үлгәрди. Тәклипләр қатарида «Балқаш», «Үлкен» охшаш географиялик намларму, тонулған алимлар, җәмийәт әрбаплириниң исимлириму, шундақла энергетикиға мунасивәтлик аталғуларму бар. «Мошу күнгә қәдәр 20 миңдин ошуқ тәклип келип чүшти. Гражданлиримизниң бу конкурсқа қатнишишқа қизиқиши зор. Биз алдин-ала уларни тәһлил қилдуқ. Тәклипләр асасән үч блокқа бөлүниду», – деди Алмасадам Сәтқалиев Мәҗлистә өткән брифингта. Биринчи блок географиялик намларға бағлиқ. Қазақстанлиқлар Балқаш, Или, Үлкен (станция селинидиған йезиниң намиға мувапиқ), шундақла Мойынқум АЭС намлирини тәвсийә қилған. Иккинчи блок – тонулған шәхсләр исимлири. Уларниң ичидә академиклар – Қаныш Сәтбаев билән Шафик Чокин, ақын Абай Қунанбаев қатарлиқ әрбаплар бар. Үчинчи блок техникилиқ вә энергетикилиқ мавзуларға асасланған. Бу йәрдә «Жарық», «Қуат», «Бейбіт атом», «Энергия» охшаш намларни учритишқа болиду. «Тәклипләрни тәһлил қилиш ишини комиссия давамлаштуриду. Униң тәркивигә этнографлар, тарихчилар, уран санаитиниң вәкиллири, блогерлар вә җәмийәт активистлири киргән. Барлиқ тәклипләр жиғилғандин кейин муһакимә қилинидиған болиду», – деди агентлиқ рәһбири.