• Әхбаратлар еқими
• 11 Желтоқсан, 2025

Мәйрәмлик һәптилик

Астанада Мустәқиллик күнигә даир 80дин ошуқ һәрхил мәйрәмлик вә рәсмий чариләр, җүмлидин дәрисләр, концертлар, учришишлар, турнирлар вә башқиму тәнтәнә-мәрасимлар өтиду. 
3 – 10-көнәк күнлири арилиғида шәһәрдики китапханиларда «Қаламгер ұстаханасы» дәрисләр цикли өткүзүлмәкчи. 9-көнәк күни болса, «Достлуқ өйидә» диний бирләшмиләр вәкиллири билән «дүгләк үстәл», шундақла ветеранлар госпиталида «Азат елдің айбыны» очуқ дәриси өтиду. 10-көнәк күни «Ишчи мутәхәссисликләр» жили даирисидә Астана шәһириниң 111-келәчәк мәктивидә оқуғучилар билән әмгәк ветеранлириниң учришиши, «Қанун вә тәртип» нарративи даирисидә наркотик рекламисини ениқлаш вә өчириш акцияси уюштурулиду. 11-көнәккә Балилар вә өсмүрләр китапханисида «Тәуелсіздік – тұғырым, Егемендік – елдігім» көргәзмиси, шундақла мәктәп вә колледж оқуғучилири билән «Қазақстанниң асқақ рәміздері» учришиши бәлгүләнгән. Шундақла Астана шәһәрлик ҚХАниң илмий-экспертлиқ топиниң жиғини, «Не? Қайда? Қашан?» – «Тәуелсіздік күні» мавзусида Quiz, «Байқоңыр» наһийәси Ихтисат-һоқуқ колледжида Мустәқиллик күнигә даир «Мен халқыммен мақтанамын» мавзусида чарә-тәдбир планланған.
12-көнәк күни Есил наһийәсидә «Тарих тарту еткен – Тәуелсіздік» Quiz time уюштурулуп, униң йәкүнлири иҗтимаий торларда елан қилиниду. «Аспан» спорт комплексида «Асық фестивали», Esil университетида мәйрәмлик концерт билән илғар студентларни мукапатлаш рәсмийити өтиду. Есил наһийәсидә «Тарих тарту еткен – Тәуелсіздік» Quiz time, «Тәуелсіздік мұраты – тәрбиелі ұрпақ» кураторлуқ саати өткүзүлиду. Базарлардики яш ишчилар арисида футбол, волейбол, теннистин мусабиқиләр болмақчи. Байқоңыр наһийәсидики «Шипагер» колледжида «Тәуелсіздік – бұл халықтың қаһарман жолы» мавзусида мәйрәмлик концерт өтиду. Шуниң билән биллә 1-Сәнъәт мәктивиниң уюштуруши билән 8-мәктәп-лицейда «Тәуелсіздік – тұмарым, Мәңгілік ел – тұрағым» намлиқ мәйрәмлик чарә-тәдбир, Esil университетида тәнтәнилик концерт вә студентларни мукапатлаш мәрасими өткүзүлмәкчи. 12–14-көнәк күнлири «Теміржол» спорт комплексида спорт ветерани А. Абдрахмановниң хатирисигә беғишланған грек-рим күришидин өсмүрләр арисида очуқ мусабиқә өтиду. 13–14-көнәк күнлири болса, «Дәулет» мәркизидә ишқиваз теннис турнири уюштурулиду. 13-көнәктә С.Садуақасулы намидики 78-мәктәп-гимназиядә Мустәқиллик күнигә беғишланған оқуғучилар арисида шахматтин, «Binom» мәктивидә тоғызқумалақтин турнир өтиду. 15–16-көнәктә «Archer» клубида оқ-я етиштин Астананиң очуқ кубоги өтсә, Ә.Мәмбетов намидики дөләт драма вә комедия театрида «Сәйгүлүк» қоюлуми көрситилиду. 15-көнәктә Есил наһийәсидә «Тәуелсіздік метакөрмесі» билән униң метадуниядики тонуштурулуши, шундақла «Тәуелсіздік – ұлт рухының бастауы» китап көргәзмиси, этнозаманивий стильдики ихчам концерт уюштурулиду. Байқоңыр наһийәсидики «Тұран» колледжида «Тәуелсіздік – елімнің ерлік жолы» намлиқ мәйрәмлик чарә-тәдбир өтиду.