• Йеңилиқлар
• 27 Ақпан, 2012

Парижда Оқуш күнлири болуп өтти

Йеқинда Париждики миллий илмий-тәтқиқат мәркизидә «Адәм илим-пәниниң өйи» фондиниң тәшәббуси һәм Қазақстанниң Франциядики әлчиханисиниң қоллап-қувәтлиши билән «Азия вә Тиниқ муһит еқими», «Шәрқий Азия, Һиндстан һәм парс поэзиясидики муһәббәт йөнилишини тәрҗимә қилиш» мавзулирида Оқуш күнлири болуп өтти. Мәзкүр чарә-тәдбиргә Франция, Япония, Корея вә Қазақстан қатарлиқ әлләрдин келип қатнашқан алим-тәрҗиманлар «Шеирийәтниң сөз байлиғи вә тәрҗимә қурали», «Шеирийәттики сөзләрниң алаһидиликлири вә уларниң тәрҗимидики орни» мавзулири әтрапида өз пикир-тәклиплири билән ортақлашти. Оқуш күнлири даирисидә униң қатнашқучилири шундақла улуқ қазақ шаири Абай Қунанбаевниң һаяти һәм поэзияси, җүмлидин «Көзімнің қарасы» шеиридики муһәббәткә аит ибариләрни француз тилиға тәрҗимә қилишта дуч кәлгән мурәккәп җәриянлар биләнму тонушти.